I tikelt tamezwarut deg umezruy ideg d-yeffeγ usegzawal(dictionnaire) n tmaziγt s tmaziγt mebla ma yella-d usεukkez s tutlayin-nniḍen.Asegzawal ISSIN,i yellan akka tura di tnedlisin n tmurt i t-id-yessufγen d mass Kamal Bouamara,i s yes yebγa ad yili d tirkizt i yinelmaden d kra n win yebγan ad iqeεεed tamusni-s di tutlayt n tmaziγt.Am lεada-s,mass Bouamara yellan d aselmad n tsekla tamaziγt di tesdawit n Bgayet,d amyaru daγen s tmaziγt yezga yekkat akken ad taẓ tmaziγt γer zdat,yettnaγ mgal yir ansay-nni n usεukkez γef tutlayin-nniḍen i izemren ad iḍur tin-nneγ.
Asegzawal-a i d-yessufeγ γer teẓrigin L’odysée di Tizi Wezzu yesεa azal n 6000 n tewwura(entrées),deg-s llan wawalen yerzan yal taγult:aselmed,tussna,tutlayt n yal ass…atg.Bab n umawal-a yettmenni ad t-yessumγer seg mesya γer zdat.Tanemmirt-ik a mass Kamal Bouamara.
M.C