Yal m’ara d-yaweḍ wass n usmekti n tnekra n unbir 1954,yettuγal-d wawal γef yimeγnasen iγelnaẓriyen umi ččuren wulawen d taflest n timunent.Ger yimeγnasen-a,Ali Zamoum umi icud yisem-is γer lkaγeḍ-nni ideg tura teγri n tnekra,yellan d sseba n tuffγa n luluf n yilmeẓyen γer yidurar akken ad ḥarben arumi.Lkaγeḍ-a i t-yuran d yiwet n terbaεt ideg yella netta,deg uxxam-is yellan deg Yiγil Imula.Din i nnejmaεen, i t-id-ssaẓergen,d nutni daγen i t-iferqen.Da Σli yesεa di teswiεt-nni 21 n yiseggasen di leεmer-is.S sseba n waya i yettwaṭṭef γer lḥebs ideg s-ḥekmen s leεdem.Armi d timunent i d-yeffeγ seg lḥebs,asmi iwala mazal amennuγ-nniḍen ama γef tugdut neγ γef yizerfan d tlelli,yuγal γer tama n ugdud, isuned akk imennuγen n tidet ama d amusu adelsan neγ aduklan.Yedder d anifi, d aγelnaẓri n tidet armi d asmi tensa tcemmaεt-is deg useggas n 2004.S wakka ad yeqqim d amedya i lebda i win yebγan ad yissin d acu i d timuγnest d tγelnaẓrit.
M.C