Tiddukla Tadelsant Tagmat n temdint n Lyon di tmurt n Fransa, a d-suddes yiwet n tmeγra s wazal-is, ass n 27 unbir deg wexxam n yedles n Villeurbanne, ilmend n wass Amazzu d Tamsetla (journée de la tolérance et de la solidarité) di tzelγa n uεiwed n usebdad n unaẓur Matoub Lounes di temnaḍt n leqbayel.
Ahil n leqdic damarkanti, tameddit n wass n 27 unbir γef 16h, ad d-snaεten yiwen usaru γef tudert d umecwar n unaẓur Lounes Matoub, s usentel « Matoub Ṣṣut n Wegdud » « Matoub La Voix du Peuple ». Ɣef 17h30 a d-yili yiwen usarag akk d mass Mohammed Ben Chicou, anemhal n weγmis aqdim Le Matin, ara d-yemeslayen γef wedlis-is aneggaru akk γef unaẓur Lounes Matoub.
Γer taggara, γef 19h30 d yiwet n tmeγra meqqren akk d inaẓuren n leqbayel, gar-asen Akli-D, Karim Slaim, Rachid Allioui, Aldjia, Ratiba, akk d umedyaz Kaci Nath- Rached
Islam Bessaci