Amezgun Kateb Yacine d yiwen n ugerruj ara tekseb sya d afella temdint n Tizi Wezzu. Mbeεd mi teldi tzeqqa-a tawwurt-is i tikelt tamezwarut deg useggas 1970, amezgun Kateb Yacine i yellan d ayla n tγiwant n Tizi Wezzu, yuγal yettunefk i tenmehla n yidles n lwilaya i as-iεawden areqqaε akken yelzem. Asenfar-a yečča azal n 38 n yimelyaren, γef wakken i d-yenna Mass Ould Ali, anemhal n yidles n lwilaya n Tizi Wezzu. Wid iḥedren i tulya ines ass ttlata iεeddan, iεğeb-asen dayen kan.
Aftaḥ-is yella-d sγur lwali n Tizi Wezzu sdat n yimḍebren n APW d APC d waṭas n yinaẓuren. Deg wawal-is, Mass Ould Ali yenna-d :’’aftaḥ-a d tajmilt i yinaẓuren nne&gamma,; Kateb, Alloula, Mouhia…atg’’.
Di taggara, d Lounis Ait Menguellet, i d-yusan i lmend n waya si Fransa, iwumi yettunef yiseγ ad yeldi aḥric n ccna di tzeqqa-agi.
‘’Nessaram kan cbaḥa n tzeqqa-agi ad tt-id-tecbu cbaḥa n wahil-is, n wayen ara yettilin deg-s’’ i imenna Ali, yiwen ucennay.
Hocine.M