Tijmilt i Rabah Maraoui

Partager

Tettheyyi-d tidukla n Yitri Adelsan n Uqbu timlilit n tmedyazt tamaziγt n Ssumam deg tedwilt-is tis 04 ara d-yeḍrun seg ass n 23 ar 26 deg agur n dujember i d-iteddun.Γef akken i yaγ-d-xebbren yimḍebren n tdukla-ya,timlilit n useggas-a ad tili d tijmilt i lmerḥum Σemmi Ssaεid(Rabah Maraoui),netta yella d amedyaz,d aεeggal n tdukla yexdem daγen d imceyyeε n uγmis n La Dépêche de Kabylie.

Wid d-yessudsen timlilit-a xtaren ad tili γef usentel:”Tamedyazt wer tilas,inig γer tgelda n tayri”.Γef waya,yetturaju ad ilin deg ahil yisaragen ideg ara d-yili wawal γef tlata n yimedyazen yessefran aṭas γef tayri,wi d Si Muḥend Umḥend,Neẓẓar Qebbani d Charles Baudelaire;am wakken daγen i yezmer ad yili ucennay n tayri Farid Ferragi d inebgi n lḥerma n temlilit-a.Akken ad tenğeḥ temlilit, tidukla Itri Adelsan,tger-d tiγri i yakk imedyazen i yebγean ad zeddin di temzizelt ideg ara awin arazen wid i d-yufraren,zemren daγen ad zeddin wid i d-yessuqlen isefra seg tutlayin-nniḍen neγ wid i d-yessaẓergen amuden n yisefra.Ilaq kan isefra ad ilin uran s tlatinit,ad aznen γer tansa n tidukla (ara d-nefk uksar) tlata nsaxi seg amud neγ n uḍris qbel ass n 10 dujember 2010.Tansa n tdukla:Tidukla Itri Adelsan n Uqbu, Siège Centre Culturel d’Akbou.B.P N° 30 AKBOU – HOPITAL.e-mail: [email protected], TELE-FAX : 034 35 86 61.I zyaza n yisallen tzemrem daγen ad tessiwlem γer wuṭṭunen-a n tilifun:0 75 54 57 76 neγ 07 72 40 23 70.

Mokrane Chikhi

Partager