Inelmaden n tesdawit Mouloud Mammeri n Tizi Wezzu d wid iyeččetkin tagara-a s lexsas n laman i ten-yeǧan ttagaden ula d tili-nsen ladɣa tulles. Ulac ass ara iɛeddin meblla ma slan s yiwen yettwet neɣ yettwaker. Aya zdat n tewwurt n tesdawit n teɣremt n yinelmaden. Ddurt yezrin, di tesdawit n Bastos, tella-d yiwet n teɛdiya s lmus ɣef yiwet n tnelmadt. Taqcict-a tettwajreḥ deg udem. Ma di tesdawit tamaynut n Tamda, liḥala n laman d tin iluɣen mačči d kra, tinelmadin ur zmirent ara ad fɣent s sebba n tugdi ! Lḥala-a d tin i yellan ulla di tesdawit n Oued Aissi, ɣas akken ddeqs n yinelmaden d arrac, yal ass tettili-d teɛdiya ɣef yinelmaden iwumi teksen adrim d tilifunat portable. S umata liḥala n laman d tin i iluɣen deg tesdawit u yal aseggas yettili-d weḥbas n leqraya s sebba-a, am akken i-d yella lḥal deg tesdawit n BUxalfa, deg useggas yezrin, imi yettwet yiwen unelmad s lemus zdat n tewwurt mebla ma skecmen-d imaan-nsen iɣalen n laman yellan dinin.
Dalila Imgaline