Tuγal d amedya temεemmert n Sidi Mufuq i d-yezgan deg Umalu mačči kan di ddur i tesεa di temsalt n ddin,maca s yibeddi-ines γer tama n yilmeẓyen n temnaḍt-a,segmi i yasen-tefka amkan ideg ara weqmen annar n waddal.Ilmeẓyen n taddart n Umalu,llan εewqen anda ara weqmen asenfar n lesṭad,i d-yeffγen deg leblan n unegmu PCD n tγiwant n Sedduq deg useggas 2007. Segmi i ulac lmelk ideg ara texdem-it tγiwant,ugaden ad ten-ifat lḥal imi εeddan fell-as kter n tlata n yiseggasen,ugaden ad iruḥ usenfar-a γer wanda-nniḍen. Maca,ilmeẓyen-a yuγal-iten-id usirem,segmi imḍebren n temεemmert yellan di taddart-nsen,qeblen akken ad yemmag usenfar-a deg lmelk n leḥbas n temεemmart-a.S wakka taγiwant tewεed-iten akken ad tebdu deg-s lxedma mbeεd mi ara d-yeffeγ leεqed n lmelk-nni i d-tefka temεemmert s yisem n tγiwant n Sedduq.
M.C