S anda yessaweḍ umennuɣ n tmeṭṭut bac ad tt-id-isaḥ wemkan wa tesrifeg akken twala nettat mačči akken tebɣa tmeti n…wergaz ? Dɣa mazal-it yella ?
Deg iseggasen iɛeddan (70,80,90) tbedd tmeṭṭut s lqedd-is bac ad d-ḥelli kra n yizerfan. Telḥa amecwar, sakin ilḥeq-itt-id ukabar, ijmeɛ-tt ma yella kra ara iɣellet yes-s.
Tid yellan di tdukliwin, deg wennar gar tmesdurar d tidak akk yenḥafen, uɣalent d timeɣnasin n ukabar. Amennuɣ-nnsent yuɣal d win n berzidan n uparti.
Tuɣal teḍleq i ṭbel deg waman. Tezuzen-itt tsertit. Ikemmel-as le confort n parlement, n ḥukuma, n l’apw, n l’apc…
Mi d-yelḥeq tmanya di meɣres ad d-tejbu s tjeǧǧigin s anda akken i as-heyyand amikru, u ad temmeslay ɣef, Kahina, Faḍma n Sumer, Bouhired…
Azekka-nni, ass n 09 di meɣres, ad tuɣal ɣer confort-nni-ines. Akka ara tt-tewet xuxuc ɣef yiwen yidis, aseggas kamel. Tin yebran, tin yesɛan tlata n takniwin, tin i wumi yenna dadda-s “jmaɛ liman ma tkecmeḍ lakuk !», tin yettmentaren deg ikabariten, tin yigganen berra… Tigi akk ttraǧunt tin ara sent-yeldin allen, tin ara yessizdgen taswaɛt. Maɛna tina “anda la-tt, anda la-tt ?”
Salas.O.A
*yeffeɣ-d yakan