Tanemhalt n uselmed n leḥirfat n Tizi Wezzu tegzem-itt di rray: ad yili i tikkelt tamenzut aselmed n leḥirfat i lemend n tilawin ur nxeddem ara. Aselmed-a d win ara d-yillin ɣef teɣzi n 2 ɣer 6 n wagguren, u ad setfaydint deg-s 575 n tilawin deg yeḥricen yemgaraden gar-asent amcaḍ, aẓetta, abrudi … Leḥirefat-a d tid i tezmer tmeṭṭut ad tent-xeddem deg uxxam-is. Ad ner lwelha belli aselmed-agi n leḥirfat d win ara yesaɛden aṭas n tlawin d telmeẓyin yeqqimen deg uxxam, yettidiren deg tamiwin ibaɛden n tmurt n leqbayel, melba ma xelsent. Tilawin i teɛna temsalt d tid ara yenejmaɛen deg wazal n 12 yid-sent. S wakka ad sutrent aselmed i tnemhalt n leḥirfat n lwilaya. Si tama niḍen ad ner lwelha belli aselmed-a d win yaɛnan daɣen tilawin yesɛan aswir n leqraya i igerzen d tid yesɛan yakan agerdas (le diplôme) imi aselmed yaɛna aḥric n leḥsabat ne ( la comptabilité (BT), d texegaṭ (le prêt-à-porter) i lemd n usewejed n le certificat de maitrise professionnelle (CMP) d l’’informatique. Deg taggara ad nesemekti belli lwilaya n Tizi Wezzu d tin yesɛn azal 45 n yexxamen n uselmed.
Dalila.I
Ain Zawia
Tiwaculin deg yir taswiɛt
Timzeduɣin n wazal n 10 n twaculin d tid yenṭaren mačči d kra deg taddart Ikoubaen d-yezgan deg usamar n tɣiwant n ain zawia deg wunẓul n lwilaya n Tizi Wezzu. Tiwaculin-a d tid ur neẓri anida ara ddunt s sebba n iɣeblan deg ttidirent. Taswiɛt-a d tin yeǧan imezdaɣ deg ddurt yezrin ad reglan abrid n lwilaya w-128 I yettawin ɣer Buɣni, i lemend n usuter n temzduɣin i tewaculin-a. Am akken suturen tifrat n weɣbel n wesyax i yellan d sebba yesenṭṭaren timzeduɣin. Ad nar lewelha belli yiwet n tesqamut i d-yesdukelen iɣalen n uḥareb, srabes n tmezduɣt n tɣiwant d tin yerzan ɣer wemkan anida I d asent—d-iban belli aseyax d win yelḥan azal n 150 n m2, d win yessenṭeren 10 n tmezduɣin.
D.I