Sɣur Lynda Ḥantur
Lynda Ḥantur tluled deg At Duwala, tella d teneɣmast u d tamnadit deg uḥric iccuden ɣer yidles akked d taylawit ( communication). I lmend n twafɣa n udlis- ines « Amnir n timmertit n Lwilaya n Tizi Wezu» yella d ger-nneɣ uskasi s demma.
Tesufɣeḍ-d deg ussan-a yezrin adlis iccuden ɣer timmertit( le tourisme) di Lwilaya n Tizi-Wezu, acu i yesmedgen lebɣi dgem akken ad yilli leqdic- agi ?
Aya yella-d deffir n tirza xedmeɣ ɣer ka n tmura tibaraniyin u nesɛi ara iferdisen n timmertit am wakka tekseb tmurt-nneɣ, yernu ggan ccan i kra-nni yesɛen yakken. Anect-a yuɣal-iyi d acqirew akken ad rreɣ azal i yigarujen tekseb tamnaḍt n tmurt n Leqbayel deg uḥric-agi yesɛan azal muqren ama deg ugni n tdamsa neɣ n yidles neɣ n trebga. Rnu ɣef aya meṛṛa Lwilayat n tmurt sɛant amnir –nsen-t bexlaf Lwilaya n Tizi-Wezu, ihi nniɣ- as ayen ala ?
Acu-ten yiferdisen n timmerit tekseb tamnaḍṭ n Lwilaya n Tizi-Wezu ?
I tazwara Lwilaya n Tizi-Wezu tekseb yiwen ugaruj n tusna akked d ismilen u d nettaf ara anda nniḍen. Sin akkin ilmeẓyen n Lwilaya-agi d wid i-izemren ad qazmen timsal akken ad ftin-t deg uḥric-agi, rnu ɣef aya udem n umagger kesben imezdeɣ n tmurt n Leqbayel mgal inebgawen –nsen. S wakka yettban belli llan yak isufar s wacu ara yeǧǧuǧeg unar n timmerit deg tamnaḍṭ-agi. Aya akka id nudder yesflilit i usnarni n uḥric agi, yellan d yiwen uɣbalu seg tineflit tettegmed isufar-is.
Tuɣal leɛnaya ɣef yismilen iccuden ɣer timmertit ?
Yesḥisif wul mi ara iwali amek ttuhamlen yesmilen tekseb tamurt n Leqbayel. Yettendaf wul mi ara iwali ismilen yeqqnen ɣer umezruy nneɣ, d yidles nneɣ d timadit nneɣ raɛen mebɣir leqrar , ur yeli win yečča wul-is ad yinni abuh ! Amedya ɣef anect-a d taddart Nat Lqayed deg Iwaḍiyen ( Agni G Aɣran) yettuneḥsaben d tigemi taɣelnawt ( patrimoine national) yernu ur din telli fell-as teɛasat neɣ ameskan ara d yesneɛten azal n umdiq-nni. Akka diɣ i teḍra d « les gavue rupêstres » n Yifiɣa, ttwjareḍen , qrib ad mḥun maḍḍi. Ar melmi ara negg leqrar i cci-nneɣ ?
Adlis-agi i tesufɣeḍ, amek i d-abrid ilaqen akken ad yeɣli ger ifassen n imeɣriyen akked wid it-yeḥwajen ?
Adlis agi atten yettnuz di tzeɣwa n yedlisen, yella umeslay fell-as di kra n yeɣmisen akked d imaṭṭafen .
I s wudem n Net ?
Da tamsalt teṣɛeb acku tugniwin iccuden ɣer tigemma ilaq fell-asent lexlas akken ad yesɛu amden azref aten-t yazen s tawil n lweb.
Anwi i d-abrid ilaqen akken ad yefti uḥric n timmerit di tmurt-nneɣ ?
Ilaq lebɣi aserti di tazwara. Ssin akkin tafleset deg ayen nekseb, asebɣes n umereḥ s lebni w ttawilat ara d ijebden medden ɣer yismilen agi. Asufeɣ n yinelmaden ɣer yismilen agi yella diɣ d yiwen udem n usfeti deg uḥric agi.
Awal n tagara ?
Ad snimreɣ i ka n win id yefkan affus n tallelt akken ad yenulfu leqdic agi, ad bedreɣ gar-asen : imezdeɣ n Iɣil Imula,Ttigzirt, Aẓeffun, Mekla , At Duwala, Mass Daḥmani Moḥamed yellan d amnadi di tsadawit n Tizi Wezu, Ɛali Bensalem, aselway n l’APW n Tizi Wezu akked d baba yeddan yidi mačči d abrid neɣ ssin ɣer yismilen ɣef i rziɣ, xas akken meqqer di laɛmer.
Ait slimane Hamid