Ulac win ur nessin tamurt Uẓeffun, mačči imi kan tecbeḥ neɣ tuddar-is ttakent udem i teftist. Maca tefka-d irgazen d tlawin i yessulin idles nneɣ ɣer leli akken ad t-id-wali merra ddunit. Wa s tẓuri, wa s usefru, wa s isura, atg. Ger-asen: Muḥemed Igerbucen, Taher Ǧaɛut, Muḥemed Ḥilmi, Ḥnifa, Muḥemed Iftisen,Muḥemed Isyaxem, atg. D aya merra i yesawden ieggalen n tfaska usaru ad xedmen tazrigt tis ḥdac deg Uẓeffun, ad ddarin “lemqam n tmusni” am waken yeqqar Muḥemed Arkun. Tuget n tuddar d tɣiwanin sfaydint s tfaska-agi, am ibalmuden n uɣerbaz alemmas Larbi At Aamer d wid n tesnawin Si Ëasen Uṭaleb n At – Yanni. Wigi ḥedren ass usali n tfaska s waṭas n lferḥ, imi tettunefk-asen tegnit nezhen isura,ẓran-d timzikniyin (taẓuri, idlisen, amezruy, …), yerna myagaren d waṭas ninaẓuren ukud d-ṭfen ttwayer i wesmekti, ladɣa aked amedyaz Ben Muḥemed, Ssaɛid Ëilmi, Lǧuher Amḥis, atg.
Ass-nni seddan-t inelmaden d tnelmadin nneɣ am tmeɣra, imi ksen lxiq, nnecraḥen yerna aṭas i d-ugmen n tmusni ɣef yidles amaziɣ sumata d wayen merra i txeddem sinima akken ad t-id-sifrer.
Tidukla n imawlan ibalmuden n Tewrirt-Mimun ad ter tajmilt, ad tesenmer
nezzeh iɛeggalen d wid merra ikerfen tagecrirt akken ad tgerrez tfaska n
Uẓeffun. Ad ten-nesenmer daɣen, imi i ɣ-rran leqder, i ɣ-gan lḥerma stereḥben
yis-nneɣ, bedden-aɣ akken ilaq din deg wexxam n tfaska deg Uẓeffun.
Affud igerzen i tezrigin d ittedun !!
Aerdi n tidukla n imawlan ibalmuden
n uɣerbaz amenzu n Tewrirt-Mimun
* Adris-a urant inelmaden n tesnawit Si Ḥasen Uṭaleb i d-tefren tdukli n imawlan n ibalmuden n n uɣerbaz amenzu Bucek Rabeḥ n Tewrirt-Mimun deg tɣiwant n At-Yanni.
S ixeddim-a i tenwa tidukla n imawlan ibalmuden ad ter tajmilt i yɛeggalen n
tfaska n usaru amaziɣ i ɣ-igan ccan d lḥerma, i ybudden tagnit i warrac d teqcicin nneɣ ad ḥedren ass n usali n tfaska n Uẓeffun. Ger iɛeggalen agi ad nesenmer s waṭas mass Abdenur Ḥaǧ-Ssaɛid, i ɣ-ibedden din deg wexxam n tfaska.
Aɛerdi n tidukla n imawlan ibalmuden n uɣerbaz amenzu n Tewrirt-Mimun
ADEL Areẓqi