Xas akken ğğan medden lebḥar deg uzal di Remḍan-agi, meεna ttuγalen-d γur-s deg yiḍ. Rezzun-d γur-s si yal tama n lwilaya. Amur ameqqran ttruḥun-d s lwacul-nsen i wakken ad sεeddin kra n tsaεtin di rrmel n lebḥar γer tama n waman. Llan wid εad yettεummun xas akken ttagun-asen iεessasen yettilin din.
Tiwaculin ḥemmlent ad bdunt tirza-nsen si le port imi d amekkan iwulmen nezzeh i uḥewwes : llan akk ttawilat, yella ubeḥri, litte&epsilon,; imekwan n lmakla d tissit, ulac lxuf…Ma d amekkan wis sin i tteqsaden yimdanen d la grande plage. Din, ad afen inebgawen n Tigzirt ṭṭwabel d yikersiwen ttwaheggan di tlemmast n rrmel i wid yebγan ad qqimen ad smeḥsen i lmusiqa si D.J . Acu kan yal tiγimit s ssuma-s : yal win ara yeqqimen γer ṭṭabla, yettuḥettem fell-as ad yečč neγ ad yessew kra. D wa i d azal n tatut n uγamac n ṭnac. Wid-nniḍen, ttγimin srid γef rrmel, gellun-d yid-sen s wayen tteḥwiğin. Akka ay Tigzirt di Remḍan : aqesser, cḍaḥ d uḥewwes… D wa ay d udem n tmurt n Leqbayel lukan i ak-terbiḥe ay ul !!!
Hocine. M