Tlscontact-Algérie d yiwet neγ εad d yiwen ttawil i yesbedd le consulat de France di tmurt-nneγ i wakken ad yessishel timsal γef wid yebγan ad ḍelben le visa. Di tazwara, ad d-yawi umdan asiher (ttiεad) s ttawil n Internet : d kečč ara yextireḍ ass d ssεa i ak-iwulmen.
Aya dayen isehlen maḍi. Syin mi d-yewweḍ wass-nni, ad truḥeḍ u ad tkecmeḍ di ssaεa-nni i textareḍ mebla ddḥis, mebla ahetwir. Uqbel ad tkecmeḍ ilaq ad tḥeqqen ma tesεiḍ asiher i wass-nni, xas ur tewwiḍ ara yid-k ttbut, d nutni ara walin, s ttawil n Internet, ma yella yisem-ik.
Tawwurt ad ak-tettak i tayeḍ, yal tikelt d acu ara d-txedmeḍ alamma tewwḍeḍ γer wanda ara tesserseḍ lekwaγeḍ akken ma llan. Din cγel-is yefra, ur ttawḍent ara snat n sswayeε ara tesεeddiḍ s daxel. D acu-tt leḥdaqa-nni ?! d acu-t uxeddim-nni ?! Ayen yessewhamen, ixeddamen akken ma llan d Izzayriyen !!! Amek anda-nniḍen ttqabalen-d s ucennef d wurrif ?
« nettqabal yal ass ugar n 1600 d amdan. Ttεeddayen akken ma llan di talwit d liser. Yal wa s leqder-is. » Akka i aγ-d-yenna yiwen gar yimḍebbren n tkekkabanit Tlscontact-Algérie. I wacuγer imḍebbren n Lezzayer ur ttεanaden ara tamussni-a ? Ttawilat llan, ilmeẓyen yeγran llan. Ma d ugur n lekwaγeḍ di tγiwant ay ffran, barakat. Meεna akken i as-yenna winna : « tissirt mi ara tent-taγ di leryac ula i d as-d-gen yiγuraf !!! ».
Hocine. M