Imezdaɣ n tudrin n Leqsar, Azmur Umeryem d Azrar i d- yezgan deg tɣiwant n Timlilin ɣef teɣzi n 15 km deg unẓul n lwilaya n tizi wezzu, d wid i d- yesfaydin s yiwet n tedrimt n wazal n 90 n yimelyunen n yidinaren ilmend n tifrat n uɣbel n waman, aya mbeɛd imi ɣelqen tiwwura n tɣiwant deg ddurt yezrin. Ahil-a n tifrat n uɣbel n waman d win yeɛnan aɛiwed n texzant n waman I yuɣen iɣisan d uɛiwed n yiqadusen iqdimen.
Ad nerr lwelha belli segmi ara fakken lecɣal-a, ad d-yili ucuddu n tudrin-a ɣer wuggug n Taqsebt.
Iwulem ad d-nesmekti belli taɣiwant-a tettidir uguren nniḍen yeɛnan asufeɣ n waman ur nzeddig ara, ayen i izemren ad d-yesseglu s lemḍerra tameqrant imi nnig n 30% n tnezduɣin ur d-sfaydant ara s usenfar n usufeɣ n waman-a yetwesxen.
D. I