Ttrağun-tt imezγan n Tizi Wezzu am waggur n lεid meεna nettat ur iban yixef-is. Yal tkelt d acu n wugur i d-yernan. Niqqal nnan-d ad tebdu ‘’Rradyu Ğurğura’’ di 19 di meγres-agi iεeddan, yuγal teggren-tt γer 5 di yulyu n useggas-a, tura heddren-d γef umenzu n unbir i d-iteddun. I usmekti, lebni n uxxam n rradyu yebda deg waggur n yulyu 2008, ilaq ad isellek di 5 di yulyu 2010. Γef wakken i aγ-d-nnan, di tazwara, asenfar n rradyu-a yuzel fell-as usqamu aγerfan n lwilaya n Tizi Wezzu i asen-yefkan, tikelt tamezwarut, 13 n yimelyan n dinar, tikelt tis snat 17. Lebni n uxxam-a yekker-d 17 n yimelyaren n dinar mbeεd mi yella kan wazal-is 5 n yimelyaren. Tezga-d’’Rradyu Ğurğura daxel n uxxam n yidles Mulud Mεemmri. Di taggara-a, yekker uhetwir γef wid ara ixedmen deg-s imi aṭas i iḍelben amekkan. Acu kan, aṭas di&gamma,; ur neẓri anwa ara qesden i wakken ad ḍelbel axeddim. Llan wid i d-yennan, d anemhal n uxxam n yidles Mulud Mεemmri i yettukelfen s lecγal-a. Wiyiḍ nnan-d tamsalt teεna srid aneγlaf, kra nnan-d, ahat, d lwilaya. Akken yebγu yili lḥal, imezdaγ n Tizi Wezzu ttrağun rradyu-nsen am win ‘’yettrağun Rebbi’’, teṭṭili-d ur d-tkeccem. Nessaram kan kfan wuguren imi yekfa lebni ines tura u ad tefteḥ tiwwura-s deg wagguren-agi i d-iteddun.
Hocine. M