Taɣiwant n Sidi Neɛman i d- yezgan deg ugafa n twilayt n Tizi Wezzu d tin i yettidiren lixsas meqren deg yiḥricen yemxallafen, ladɣa win n leqraya. Maca taggara-agi, tesfayda-d s yiwen n usenfar n lebni n yiwet n tesnawit, imi lecɣal d wid ara yebdun melba leɛḍil. Ad d-nini kan belli asenfar- agi d win i d- yerran acmumeḥ ɣer wudmawen n yinelmaden akked yimawlan nsen, iɣef ara tekkes lmerta n lbeɛdan d lixsas n ttawilat n usiweḍ alamma d Dreɛ Ben Xedda. Am wakken daɣ i d- tesfaydi tɣiwant s lebni n yiwen n uɣerbaz alemmas.
Si tama nniḍen, ma nger tamawt ad naf belli sin n yiɣerbazen imenza si gar tmanya i yellan deg tɣiwant i d- yezgan deg Bumhala d Tala Meqren d wid iwumi medlent tewwurra nsen s sebba n liḥala nsen yehtutan.
D. I