Accueil Tamazight Ɣelqen kra n yimawlan tasnawit Sliman Σmirat

Taqerbust : Ɣelqen kra n yimawlan tasnawit Sliman Σmirat

44
- PUBLICITÉ -

Yella-d, ussan-agi iɛeddan, uɣlaq n tesnawit Sliman Σmirat n taddart Taqerbust sɣur kra n yimawlan n yinelmaden i d-staxren seg uɣerbaz-agi. Yettwaɣleq ubrid n unekcum ɣer din s ttjur akked yiblaḍen, ayen i d-ixelqen aneḥbus ɣef tiddin n waṭas n tkeryas. Zyada ɣef wanect-a, rnan yimdanen-agi ɣelqen tawwurt n tesnawit s sin lemfateḥ ayen yeǧǧan ad qqimen yinelmaden, iselmaden akked yixeddamen n tesnawit-agi deg berra. Ma ɣef tigawt-agi, yenna-d yiwen ubabat : «Ssebba n uɣlaq d astixer n 53 n yinelmaden, yerna ula d aseqqamu i yettwasbedden i lmend n waya, ur d-yerri ula d yiwen unelmad ɣer uɣerbaz, ayen yesserfan aṭas imawlan-nsen imi ɣur-sen, llan yinelmaden yuklalen ad uɣalen». Seld aɣlaq-agi s sin wussan, letnayen d ttlata, tella-d temlilit gar tnemhalt n tesnawit akked kra n yimawlan n warrac-nni, anda wwḍen ɣer rray n uεiwed n useqqamu ara iwalin i tikkelt-nniḑen deg tuttriwin n yinelmaden-agi yettraǧun acu ara d-yeffɣen deg unejmuε-agi. Ass n ttlata yezrin, usan-d iğadermiyen ɣer tesnawit, qqimen mebεid, ugaden ad tili lexsara.

- PUBLICITÉ -

Nisma Tigrine

- PUBLICITÉ -