Accueil Tamazight “Ḥemmleɣ ad urareɣ s yimeslayen”

MACK NAT FRAWSEN, d amaru : “Ḥemmleɣ ad urareɣ s yimeslayen”

150
- PUBLICITÉ -

Mack Nat Frawsen, d yiwen i ixeddmen deg tsenselkimt , akken daɣen d amaru i ikeccmen deg ubrid n tira , yessaweḍ ad yaru 07 n wammuden n yisefra, ad nebder Le bleu du littoral , Le vers de la mélodie , La rivière espérance , Les beaux rêves demain , Vers au vent , Le souffle du zéphyr Akked wammud s tmaziɣt i iwumi isemma : “Agris n unebdu”. Am wakken i yura, diɣ, ungal “Le voyage avec Elise”. Nesteqsa-t ɣef waya. Ha-t-an wacu i –yerra.

- PUBLICITÉ -

Aɣmis n yimaiɣen: Awal ɣef wammud-agi n yisefra Agris n unebdu…

Mack Nat Frawsen: Wagi d ammud n yisefra amezwaru i d-uriɣ s teqbaylit. Uriɣ-t s teqbaylit, syin akkin xedmeɣ-as tasuqilt ɣer trumit. Tasuqilt-agi ɣer trumit, tusa-d tewɛer cit acku ttaɛraḍeɣ akken ad ḥedreɣ ɣef tira-nni-ines tamezwarut. Ad ɛerḍeɣ akken ur tteffɣeɣ ara seg unnar-nni n teqbaylit . Azwel-agi i d-as ffkiɣ akken twalam, deg-s anemgal imi deg unebnu ulac agris. Nekk ḥemmleɣ ad urareɣ s yimeslayen. Deg uzwel-agi, bɣiɣ ad cuddeɣ gar sin yinemgalen .

Melmi i tebdid tira ?

Bdiɣ tira asmi i sɛiɣ 20 n yiseggasen, maca ur ttajmaɛeɣ ara ayen i ttaruɣ. Syin akkin, nniɣ-as ayen ur ttaruɣ ara akken ad d-ssufɣeɣ idlisen. Dɣa, syagi i tebda tikti deg ubrid n tira .

D acu n yiseltal anda i tettafeḍ iman-ik deg tira ?

Di tira, yal yiwen anda i d yesuzur imeslayen. Nekk ahat ma zemreɣ ad iniɣ, d akken smenyifeɣ tira ɣef tayri akked tira xfifen, tira tilellit .

Anda tettafeḍ iman-ik, deg tira s trumit neɣ s teqbaylit ?

Tarumit d tutlayt s wayes i d uriɣ tuget n yidlisen-iw, maca isental i yi-itteqraḥen s waṭas, ttruḥun-d s teqbaylit imi d nettat i d tutlayt tayemmat-iw. Am umedya, tuget n yisefra i d-uriɣ, ttmeslayen-d ɣef leḥzen, anuɣni, timmetti « Allaɣ yetthubu waḍu »,  » Ay allaɣ i iwumi xerben lexyuḍ  »

Awal ɣef wungal-ik Le voyage avec Elyse…

D yiwen wungal i d-yeffɣen deg ɣuct 2017. Yettmeslay-d ɣef 02 n wudmawen igejdanen i d-yettemlilin yal tikkelt, syin akkin, ad d-tlal tayri gar-asen, xas ulamma Elyse tezweǧ , syin akkin ad mbaɛaden…

Ad tili tsuqilt ɣer teqbaylit ?

tidet kan, ɣer teqbaylit, mazal urɛad i d-swejdeɣ i usenfar-agi , acku bɣiɣ ad t-xedmeɣ nekk s timmad-iw, ladɣa i yisefra. Ma yella d ungal, ssarmeɣ limer ad d-affeɣ win ara t-id-yessuqqlen ɣer teqbaylit.

Yella kra n umaynut ?

Ih , ad yili wammud n yisefra deg kra n wayyuren-agi i d-iteddun. Aql-i-n ssewjadeɣ-as , imi akken ad txedmeḍ kra, ilaq ad-as-tefkeḍ aṭas n wakud akken ad yili yemmed .

Testeqsa-t Yamani Souhila

- PUBLICITÉ -