Ilmeẓyen n tɣiwant n Tigzirt d d-yezgan ɣef teɣzi n 40 km deg ugafa n lwilaya n Tizi Wezzu d wid yettraǧun annar nsen seg 5 n yiseggasen aya. Ad d-ner lwelha belli annar n waddal n temdint n Tigzirt d win i ixerban s lekmal segmi bdan lecɣal n usenfar n lebni n 100 n tzɣwa n uzenzi ilmend n yilmeẓyen ur nexeddem ara. Lecɣal-a d wid i d-yeglan s wesyax i yewwin yiwet n tama n wannar. Ma d imeyurar n tarbaɛt n tciret n uḍar n teɣiwant, Itri n Waddal n Tigzirt, mazal tettraǧu ad kfun lecɣal n lebni n tezɣwa, imi tadrimt n uɛiwed n wannar d tin i yettuhegan yakan, am akken suturen yal tikkelt seg yimḍebren n tɣiwant ad ferrun ugur-agi.
D.I