“Taskelmuḥyet ad teqqim d taskelmuḥyet, ad t-ttwaderrez à la Muḥya, ulac deg-s sidi neγ lalla, yiwen-nsen akk at tmeγra, Muḥya d taqbaylit, taqbaylit d Muḥya, ipisitu.” Akka i tt-tebɣa terbaɛt “Tajmilt i Muḥya” i useggas-agi. I tikelt tis snat ara d-tessewjed aderrez ilmend n umuli n talalit n Muḥya. Am yeqbayliyen, am Imaziɣen am yemdukal n Muḥya yettidiren di Lpari, akken ma llan ad d-mlilen di Lpari ass n umenzu n Nwember i d-iteddun, ad d-ɣren ayen i d-yerra Muḥya d wayen i d-yesnulfa s tagi-nneɣ ama d amezgun, ama d Isefra ama d ayen nniḍen. A la Muḥya, akka it t-bɣan, ulac Sidi ulac Lalla.. « Widak akk ara d-yasen d tameγra-nsen, d Muḥya-nsen akk, d taqbaylit-nsen akk.Yelha lemmer ad ilin ijeğğigen, ticemmaεin, kra n tγawsa am lkaγeḍ ideg ara ttwarun kra imeslayen i Muḥya s tutlayt-is tayemmat. » d iswi n terbaɛt « Tajmilt i Muḥya » s lmendad n Rezqi RABYA amedyaz d Bussaɛd BUƐIC amesdawan. Deg waṭas yid-sen i xedmen tiwizi s tawil n facebook akken ad yidir Muḥya, ad tidir teqbaylit. Yal yiwen acu i wumi yezmer, wa s lkaɣeḍ, wa s tira, wa s tcemmaɛt, wa s snitra, wa s ibiri, wa s tbaskiyin, à la MUḤYA.. i wid yebɣan ad ḥedren ad rzun ass n ttlata amenzu n Nwenber ɣer tansa: 46 Rue de la Fontaine au Roi
Lpari tis-yiwen d mraw(11) si 10H30 d tusawent..Taqbaylit d Muḥya, Muḥya d taqbaylit, mazal lxir ar zdat, ay arrac-nneɣ..
Zira