Accueil Tamazight Tullist : Muḥend yettarun d tewkilin-is*

Tullist : Muḥend yettarun d tewkilin-is*

8064
- PUBLICITÉ -

Yeneṭeq Muḥend γer lexliqa-nni yenna-yas : Qesmeγ-kem-id s Ṛebbi ma ur yi-d-tenniḍ d acu-kem ?

- PUBLICITÉ -

Terra-yas-d : Nekk d tawkilt i k-izedγen bγiγ ad ak-aγeγ !

-Amek, amek ?! Tzedγeḍ deg-i mebla ma εelmeγ ! D acu εni iyi-tḥesbeḍ ?

-A Muḥend leεfu, ur ttḍunnu ara deg-i ayen n dir acku nekk ttedfifileγ fell-ak, ḥaca ayen yelhan i ak-ttmenniγ.

Mi as-yesla akka, yecmummeḥ wudem-is, yerra-d nnehta, yebγa ad as-yini aẓẓ-d γer γur-i, meεna yessetḥa-tt. Ma d Dasin yellan γer tama-s tayeffust, yettu-tt maḍi amzun akken ur telli ! Yuγal daγen yesteqsa tamexluqt-nni :

-Isem-im ? Ansi-kem ?

-Nekk d Madam Ṛuza n umalu.

-D acu kem-id-yewwin γer γur-i ?

Nettat terra-yas-d s usefru :

Nekk d Madam Ṛuza

I d-yusan seg Fṛansa

Bγiγ nekk yid-k ad nelḥu

Ad ak-slemdeγ taγeṛma

Taẓuṛi d tsekla

Voltaire d Montesquieu

Mi ak-ḥemleγ i ak-d-wwiγ tussna

Γur-neγ tennerna

Bab-is εziz γer ugdud-inu

Muḥend mi as-yesla, yeldi imi-s ; tseḥḥer-it bih nfih, yuẓa γer γur-s mebla ma ifaq.

Dasin ur teṣbiṛ ara , tekcem-asen di tlemmast akken ur ttemlilen ara, tuγal teṭṭef-d Muḥend deg lexnaq tεeyyeḍ fell-as : Irgazen am kečč uklalen lmut imi ulac γur-sen tissas !

yettkemmil

*D tullist i yura Mokrane Chikhi, tewwi araz amezwaru di temzizelt n tsekla «Boujie d’or» n useggas 2010

- PUBLICITÉ -