Accueil Tamazight Di Tizi Wezzu

Di Tizi Wezzu

2187
- PUBLICITÉ -

Yennayer d win yesɛan anamek meqren deg tmurt n yimaziɣen. Ilmend-is, ttuheggant-d aṭas n temzikniyin deg tɣiwanin d tudrin n tmurt n leqbayel s wudmawen yemgaraden, ama s waddal, s tẓuri neɣ s yidles, yal wa amek i as-ihegga asfukel. Imezdaɣ n taddart Tala Xelil i d- yezgan deg tɣiwant n At ɛisi deg usamar n lewilaya n tizi Wezzu, heggan-d yiwet n temzizzelt yerzan tazla i warrac d tullas, irgazen, tulawin. Dɣa, iwulem ad d-nini dakken i tikkelt tamenzut i ttekkint tulawin deg waddal yecban wa di tɣiwant-a. Deg taggara tella-d yiwet n lwaɛda. Deg tɣiwant n Makuda, tella-d yiwet n tmeɣra meqren i d- heggant tdukliwin tidelsanin, deg llan waṭas n yinaẓuren, d yimensi i yimezdaɣ d yinebgawen iḥeḍren. Deg Tigzirt, tidukla tadelsant n tmazirt Urabeḥ, thegg-d yiwen wahil s wazal-is ilmend n useggas amaynut ideg ara naf yiwet n tezrawt ɣef Yennayer d yiwen n usaru ɣef umezruy n taddart-a. Si tama-ines tidukla tadelsant Rotary n Tizi Wezzu tefreq ilmend n yennayer 128 n tcariḍin i yimeɛḍar n Tizi d wid n twilayin yemgaraden am Tubiret, Bumerdas, Ǧiǧel d Bgayet.

- PUBLICITÉ -

D.I

- PUBLICITÉ -