Yeɣli-d usalli n tmettant n Dda Crif am lebraq. Iɣab win i ɣ-yezzuzunen acêal iseggasen aya. D netta i s-yerran lsas i lmusiqa tatrart n Lezzayer, daɣen i d-yezgan d tayett i wugar n inaéuren i s-yernan ccan i ccna n teqbaylit.
Tikti tamenzut i d-ikeççmen s allaɣ mi ara d-nemekti Dda Crif, d tamusni-s i s-yettkabar yal win t-iqessden. S kra n win irra-n ɣer-s yugem-ed tamusni tameqrant deg uéawan d tẓuri.
Ixeddem lmusiqa-s seg wul, isennu-tt d azrar i wayen d-yewwi s imezwura. Dda Crif ur yerri ara tilisa, ur iceggeb ara iman-is s kra n tekti neɣ kra n tmuɣli. Aya ittban am yiîij deg wayen meôôa yecna, deg tezlatin-is i ɣ-yessebrarêen allaɣ d wul. Yecna tayri, laé d tneggaé tirrugza d wezref…..maca ayen i yessefrarin ugar taéuri-s: d assaɣ ucbiê i yeéḍa ger ugerruj n tɣerma tamaziɣt d tatrarit n wass-a. Ass-a lamana tewwed bab-is, maca tamacahut n Dda Crif mazal-itt ad tezzuzen tisutwin i d-imellen akka ar tagarra. Dda Crif ad yeqqim gar-aneɣ, imi taéuri-s d lfen-is werǧin ad mten.
“Dda Crif iǧǧa-yaɣ;
ma d ayen i ɣ-d-yeǧǧa ur ɣ-yettaǧa”
Tasuqqilt n : Ḥwimel Canez