Nnan at zik s izik aẓar ijebbed ɣer tara, nebla aẓar ur tgem tara, ulama tegreḍ-t deg waman, acku ayen ɣef i tebded tilin ur yelli-ara. D alammi ɣas akken nekk-ad seg yiwen, maca tameddurt terra-aɣ ɣef waṭas, amzun akken ur d nekki seg-yiwen.
Aya d ayen ara ad d-naf yurez ɣer tikli n yal yiwen.ama deg yiman-is ɣer yiman-is, neɣ deg yiman-is ger wiyaḍ, yal yiwen d tudert.
Asayes 3
Lewzir (Mecḥuḍ) – lweswas
Mecḥuḍ: (yessawal) llweswas, lweswas, lweswas.
Lweswas 🙁 s tuffγa n leεqel) anɛam a sidi.
Mecḥuḍ: Anida i tuɣaleḍ?
Lweswas: (s tugdi) ala da …dihin, dihin…da
Mecḥuḍ: Buɛfif.
Lweswas: Ih, Buɛfif! Waqila mazal ur d-yewwiḍ ara lweqt-is
Mecḥuḍ: Buɛfif
Lweswas: Ih, ad ruḥeɣ ad d jemɛeɣ akk arrac n taddart ad neg Buɣfif ah iḥqa d i tefsut i ilaq?
Mecḥuḍ: (s leɛyaḍ) Buɛfif
Lweswas: D acu i t-yuɣen?
Mecḥuḍ: Ad tessaliḍ akk rrasa n mbaba-s, rrasa n yemma-s, n jeddi-s n jedd…
Lweswas: N jedd n m baba-s n jedd n yemma-s n yemma-s nanna-s xalt-is n xalti-s n dadda-s n baba-s, n εemti-s n da…
Mecḥuḍ: Ad d-tawiḍ akk lemrir-as
Lweswas: A sidi deg useggas ar useggas i d-yettas
ar d-yeweḍ ad iwali
Mecḥuḍ: Tesliḍ i wawal (yeffeɣ)
Asayes 4
Lweswas- Mexnečč
Lweswas: Mexnečč, mexnečč, mexnečč
Mexnečč: Anεam a sidi
Lweswas: Anida i telliḍ?
Mexnečč: Da, dihin, dihin da. Ih da
Lweswas: Tesne Buɛfif?
Mexnečč: Buɛfif!
Lweswas: Ih Buɛfif win i d-yessuli ugellid ɣur-s
Mexnečč : Ih
Lweswas: Tessneḍ-t?
Mexnečč: Mačči mliḥ
Lweswas: Deg wass-a d asawen d wa i d ccɣel-ik anida i iruḥ ddu yid-s am tili-s
Mexnečč: Acimi?
Lweswas: D ayen ur k neɛni, aha ɣiwel
Mexnečč: Anεam sidi, nɛam sidi.
Asekkir 6
Asayes 1
Deg ugni
Buɛfif d lemṭenṭen d umerɣud
Lemṭenṭen: Akken ibγun semmin-iyi lemṭenṭen Bu Ferḍas izad wayen izaden
Amerɣud: I tura tfehmeḍ timsal, tarbut n seksu s ufella n wacciwen n wezger i wa mačči d azger?
Buɛfif: Ih! Ayen yettnadi ad t-yaf ini-yi Kan melmi?
Lemṭenṭen: D acu id tennam ad as-d-nessebges
Amerɣud: D ṛṛay, maca amek?
Buɛfif: d nemmeslay i yemdanen
Lemṭenṭen: Dayi i yeḥsel umenṭas
Amerγud : Ad aɣ ssiwḍen dɣa ad teglu s yes-neɣ.
Buɛfif: Ma drus i d-yenna, ahat yewweḍ
Lemṭenṭen: Nniɣ-d akken ad yaweḍ waqila werɛad iyi-tessineḍ ula d nekk uɛreɣ aha ihi win iwimi tekkat yemma-s tafzimt yessiweḍ, akken yessaweḍ ara t-i d- siwen
Buɛfif: Amek?
Lemṭenṭen: Ssneɣ yiwen amzun-nsen
Buɛfif: Amek tessneḍ yiwen-nnsen dɣa nekk nniɣ uɣaleɣ ur ttikkiɣ ara .
Lemṭenṭen: Amek ara nexdem ihi! Amek ara nexdem?(tassusmi) ssneɣ mexnečč
Amerɣud: Nekk ssneɣ lweswas
Buɛfif: Ah! Aziɣen yal yiwen anida isenned yal yiwen d aniwa yessen ala nekk, nekk ur ssineɣ yiwen ur ttnadiɣ ad issineɣ yiwen-nsen
Amerɣud: Atan diɣ!
Lemṭenṭen: Anef-as anef-as ad yuɣal alamma d da. (Ad yezzi) aw! Mexnečč, a mexnečč
Mexnečč yella yeqqim-d mebɛid yessenqad-d
Asayes 2
Amerγud-Lemṭenṭen-Mexnečč
Mexnečč: (yugad) d acu?
Lemṭenṭen: D acu i txeddmed da?
Mexnečč: Qqimeɣ
Lemṭenṭen: Teqqimeḍ ah! a yiwen, d acu i xeddmeḍ?
Mexnečč: (yessaked Amerγun)
Lemṭenṭen: D ameddakel
Mexnečč: ɛusseɣ Buɛfif
Amerɣud: Buɛfif!
Mexnečč: Buɛfif
Lemṭenṭen: (yeṭṭef mexnečč di lexnaq) acimi d Buɛfif?
Mexnečč: ɣef wassen i d yerra i yesteqsiyen
Amerɣud: Yah! Aniwa i k-id-yuznen? Mexnečč…
Lemṭenṭen: Aniwa?
Mexnečč: D lweswas.
Amerɣud: D ayen isehlen, imi ara tawḍeḍ ɣer Lweswas ini-as yesteqsay-d fella-k wumriɣ
Mexnečč: Tesneḍṭ?
Lemṭenṭen: Siweḍ-as kan azul d aya.
Mexnečč: Amek?
Amerɣud: Umriɣ (Mexnečč iruḥ)
Asayes 3
Lemṭenṭen-Amerɣud
Lemṭenṭen: I tura?
Amerɣud: Tefra.
Lemṭenṭen: I ugellid?
Amerɣud: Agellid … yella lweswas
Lemṭenṭen: I lewzir?
Amerɣud: Tisura ha-tent-ad ɣer lweswas.
Asekkir 7
Asayes 1
Deg ugni
Yendeh uberreḥ yal yiwen akken i d-yusa ifassen d ilmawen agellid yebded lewzir yessendeḥ.
Lewzir: Ah ulac win id yewwin tiririt?
Yiwen yenna: D awezɣi ad as-d-terreḍ i uzger tarbut n seksu ɣef wacciwen-is yerna ur teneɣɣel ara.Kra kan ataya Buɛfif yezewwr-d sin yimdanen zdat-s: yiwen yerra-as-d tarbut n seksu, wayeḍ yerray-as-d taccuyt n lmerqa imdanen akk wehmen!
Yiwen: Amek! D wi i d izgaren?
Wayeḍ: Akka i d amdan!
Buɛfif iteddu ɣer zdat n ugellid. Agellid ibedd di ttewḥid yenna
Agellid: (s taḍsa) Ah d acu-t wakka?
Buɛfif: Tiṭ ɣer tiṭ, ameslay ur as yettara ara tirkiṭ.
Agellid: Ala ttwaliɣ irgazen deg umḍiq n yizgaren!
Buɛfif: Nutni meqqar d izgaren banen, Azger s wacciwen, i yettuɣaḍen d wid yellan am wi ur ttusemman d izgaren ur ttuneḥsaben d irgazen
Agellid: (s reffu) Amdan d amdan akken yebɣu yili
Buɛfif: tidet, maca aten-ad zdat-k s teqsiten, d acu-t wass-a neɣ d acu-t uzekka, ini-asen ad ak d-inin aniwa i d afus ayefus aniwa i d azelmaɣ ma yella ssefran-d , ad uɣaleɣ deg umḍiq-nsen
Agellid: (yeččaten akka s wallen, a la ten-isteqsay)
Agellid: Isem-ik?
: ….
Agellid: I kečč?
:…
Agellid: Awah waqila d igugamen!
Buɛfif: Ur ggugmen ara.
Agellid: Acimi i ugin ihi ad d hedren ihi?
Buɛfif: Ahat ur yessin ara
Agellid: Dɣa tgerrez ma ula d isem-is ur t issin ara. Aṭas i yellan akka?
Buɛfif: Aṭas
Agellid : (s taγatt n lferḥ) Atan, ihi azekka n uzekka yebda ass-a
Buɛfif: Ala ay agellid, agdud am tirect deg Unnar yella uεeqqa yella ukerfa, ula d aɛeqqa yemgarrad d gma-s nnan, ṭṭejra yiwet lḥeb yemgarrad.
Agellid: Nniɣ-ak win iwehan amzun iwet, win yewten iwet, ama yezgel ama yelḥeq, awi-d kan ad nelḥeq awer nezeggel
Akli Tamazrit