Am yal aseggas , deg 20 yebrir, tiddukla n yiselmaden n tmaziɣt tesmektay-d ,tafsut n yimaziɣen. D acu kan , iselmaden n tizi Uzzu , mačči s uεeyyeḍ , d tikli neɣ cḍeḥ . Maca tiddukla n yiselmaden n tmaziɣt n Tizi Uzzu , tettheyyi-d yiwet n temsizelt gar yiɣerbazen n Tizi Uzzu. Aseggas-a , 16 n yiɣerbazen i d-yusan ɣer uxxam n umezgun Kateb Yasin.Yal aɣerbaz iruḥ-d s 5 n yinelmaden n uswir wis 5 (5eme AP) n uɣerbaz amenzu. Yal tarbaεt n yinelmaden , tettunefk-as tzeqqa akken ad d-yerr ɣef yisteqsiyen id theyya tiddukla . Isteqsiyen gten , imi yella uḥric n umezruy, wayeḍ n tutlayt , wayeḍ n yidles , win nniḍen ɣef tmurt n lezzayer atg…
Segmi sulin inelmaden tisizzelt , iselmaden n temnaḍin n Draε Ben Xedda, n Larebεa At Yiraten , n Micli εeddan ɣer useɣti .
Ufraren-d 5 n yiɣerbazen . Tazeqqa n uxxam n umezgun d tin yeččur d imnezhen, imi seg yiselmaden , inelmaden inemhalen rnan-d Imawlan n yinelmaden akken yal yiwen ad yessebɣen ama d inelmaden-is neɣ imeddukkal-is ayɣer mačči d mmi-s neɣ yelli-s. Akken ur εeggun ara wid yettnezihen seg tikkelt ɣer tayeḍ ccna n crif xeddam , matub , lunis d wiyaḍ ttakken-d abeḥri n teqbaylit I wid akk id yusan ɣer tmeɣra n tussna tamaziɣt . Deg taggara, ufraren 3 n yiɣerbazen I yewwin arrazen. Aɣerbaz amenzu Uqasi Buεlam n les genets I yewwin arraz amenzu imi d inelmaden –is id yufraren deg temsizzelt-a. Aladɣa yettunefk-as s ufus n mass Uld εli Lhadi anemhal n yidles n Tizi Uzzu . Wis sin d Smaεil AMYAR , anemhal n uxxam n umezgun Kateb Yasin , it-yefkan I uɣerbaz “Xioa xaled ; ma d arraz wis tlata tefka-t tselmadt kahina , taεeggalt n tiddukla n yiselmaden n tmaziɣt n tizi Uzzu I uɣerbazUεemran ḥḥ ḥmed.
Arrzen-a yuɣiten-id mass Lhadi Uld Ali I tiddukla n yiselmaden aya imi timsizzelt-a tettuheyya-d d tenmehla n yidles akked tenmehla n usegmi , I yellan neɣ yettilin yal tikkelt tama n tiddukla n yiselmaden n tmaziɣt n Tizi Uzzu . Arrazen d wid yesεan azal ameqran imi amenzu yewwi teleḍision 42ùùùù ù” , win sin teleḍision 22” ma d win tlata yewwi lecteur DVD. Aud igerrzen I tiddukla n yiselmaden n tmaziɣt I ixedmen akken tamaziɣt ad tesεu amkan-is .
Tina.B