I lmend n wass agraγlan n tlelli n tγamsa, axxam n yidles Mulud Mεemmri n Tizi Wezzu s lemεawna n twacult Yefsah rran tajmilt i uneγmas ameγnas Smail Yefsah ass-nni n 3 di maggu 2012.
Ahil n wass yebḍa gar tmeddurt n uneγmas Smail Yefsah akked tlelli n tγamsa. Mebεed mi ldin yemḍebbren timsikent s wudem unṣib, yeγra-d yiwen tameddurt n Smail. Syin yella-d uskan n yiwen udukimuntir γef umecwar-is. Di taggara, temmaslay-d twacult-is, imeddukal-is ; d inigan γef leqdic n urgaz-a. Am wakken i d-yella, di&gamma,; yiwen usarag sγur aselmad n tesdawit n Tamda Mass Bouguetaya i d-yewwin awal γef ‘’Tilelli n tγamsa s ttawilat n tura’’. Syin, yella-d umeslay γef usentel-agi u tella-d tmedyazt.
Ma d ass n lğemεa, yella-d rwaḥ s aẓekka-s γer Tala Amara, taddart n Yefsah.
I usmekti, Smail Yefsah d aneγmas di tilibizyu si 1987 armi 1993. Yettwanγa ass 18 di tuber 1993 di Bab Ezouar.
Ma dayen yeṭṭfen lwlha-nneγ di tejmilt d isteqsiyen i mazal testeqsay twacult γef wamek i d-tella tmenγiwt-is akked iεewwiqen i as-ttgen yal tikelt.
Hocine.M