Kra n tudrin di tɣiwant n Leɛǧiba ttraǧunt ar ass-a ma tent-id-yaweḍ tilifun lxiḍ. Aɣbel-agi d win yennernan taggara-a imi yezga-d d aɛewwiq deg wudem n waṭas n twaculin d yilmeẓyen i yessexdamen ttawil n l’Internet.
Ddeqs n yiseggasen- aya segmi i kkren kra n yimdanen deg taddart n Semmache d La Crête-Rouge iwakken ad arun yiwet n tebrat i yimḍebbren terza taluft-a anda i sseddan ismawen n wid yebɣan rray-agi. Maca, asuter-nsen yeqqim kan d asirem. D ayen i ten-yeǧǧan deg wussan-a kkren daɣ iwakken ad ɛiwden i usuter, imi ɣef leḥsab n yiwen seg-sen i d-yennan:”amek akka aql-aɣ di lqern wis 21, mazal ur nessaweḍ ara ad d-nessekcem tilifun s axxam, ula d l’Internet i yuɣalen d allal ur yezmir yiwen ad t-yerr di rrif ur t-nufi ara, nettruḥu alamma d tiɣiwanin tiǧiratin iwakken ad nedlu ɣef wayen i netteḥwiǧi.”
S. M