Ass n 5 yunyu ,yefka-d mass Bouamara yiwen n usarag i yinelmaden n tmezduγt tasdawant n Targa Uzemmur γef uentel « Aẓayer imetti-azerfan n tmaziγt seg 1962 ar ass-a ».Mass Bouamara yesmekta-d deg wawal-is γef tirmad n yimeγnasen n tmaziγt uqbel timunent deg terni n uslelli aγelnaw (FLN) yefka-d amedya n ucennay Farid Ali , i yellan d ameγnas n timmuzγa akked tγelnaẓriwt . Yesmekta-d daγen s wazal i as-fkan irumyen ladγa imrabden nsen di tallit n tegrawla. Acu kan mbeεd timunent ,wid yeṭṭfen leḥkem, rran tamaziγt di rrif ,kksen-as imukan teṭṭef uqbel. Deg wawal-is yesmekta-d γef tlalit n ugraw n yimaziγen deg yiseggasen n 60, tidyanin n tefsut n 80 akked tid n 81 , daγen aγunzu n uγerbaz n 1994/1995 armi d tidyanin n tefsut taberkant. Inelmaden iḥeḍren fursen tagnit akken ad as-fken isteqsiyen i umesrag ladγa γef temsal icudden γer tmaziγt d tmazγa ama d tira ines neγ azal-is daγen dacu i yeğan tamaziγt ad taweḍ γer liḥala-ya n tura .Akken ad d-nesmekti , armud-a i t-ixedmen d lkumiti n tmezduγt n Targa Uzemmur.
Rabia soraya