Accueil Tamazight Tubiret : Rabah Asma, Brahim Tayeb, gerzen tameɣra

Tubiret : Rabah Asma, Brahim Tayeb, gerzen tameɣra

2649
- PUBLICITÉ -

Iwakken ad tettunefk tegnit I zhu d tukksa n lxiq I yimezdaɣ n Tubiret, axxam n yidles n temdint-a akked tmehla n yidles heggant-d yiwen n wahil ara idummen aggur n remḍan-a. Ass n laeebɛa yezrin, lewhi n 10 n yiḍ, tazeqqa n uxxam n yidles Ali Zamoum ur tessaweḍ ara ad tawi ayen akk n yimdanen I d-yerzan ad walin Rabah Asma, win akken yessuznen deg yiseggasen n 80 s tezlit: “ay aḍu ihuzzen izemran”. Ulamma mačči aṭas n twaculin I d-yusan, ahat mazal ur d-rrin ara s lexbar s liḥala amek I tella, ilmeẓyen ɛemren taqaɛet, ssufɣen iciḍ s cḍeḥ, imi Asma yettwassen s ṭṭabeɛ n cna-s xfifen, yessufuɣen tawla I wid ikeblen. Si tama n laman, ad d-nini dakken tameɣra teḍra-d di tegnatin igerzen, imi s kra n win i ikecmen ɣer din ur yelli kra ara t-isxaqen, aya s tlilit s ṭṭaqa n yiɣallen n laman ama daxel n tzeqqa ama di berra. D ayen dɣa ara yeǧǧen tiwaculin ad d-asent I tmeɣriwin I d-iteddun, imi nnig n sin-agi icennayen mazal Tubiret ad teldi tibbura-s I uḥeddad n wawal, Lounis Ait Menguellet, ara yilin ass n umenzu di ɣuct I d-iteddun. Brahim Tayeb si tama-s, yessuzen wid I d-yusan ad t-ẓren s tezlatin-is ḥlawen. “Init-as ma tebɣa” d tin I ttrajun akk yimdanen ad tt-id-yawi srid. Ula d inaẓuren n Tubiret yecban Ujriḥ, kamel Chennan d Moh Atoui llan akka deg wahil I d-yessewjed uxxam n yidles Ali Zamoum. Ad naf daɣ Ouazib Med Ameziane d kra n yicennayen nniḍen s taɛrabt, imi ilaq waya iwakken ad yesseɛdel kra uxxam-a gar yimezdaɣ n Tubiret.

- PUBLICITÉ -

S. M

- PUBLICITÉ -