Tabrat d ukaskiḍ d taceqquft i d iyi d-tekka tiktideg yimi i ɣriɣ taceqquft yura tahar weṭṭar (Ddurt-a ad zzin imeɣrasen)
Dɣa tazwara iswi-iw ad t-id erreɣ ɣar teqbaylits akken refdeɣ amaru yurag-d wayen nniḍen nek ɣuri zemreɣ ad d-iniɣ d ayen akken isxezneɣ i d yemmaren, daɣen d akken tezzi lelha-w ɣar tullist n tmeččimt n ufellaḥ ass-n i as-yessena bab n wayla ad ak-xelseɣ , afellaḥ yedla ar lǧib-is imudd-as tameččimt yenna-as axx ayen tewzen d ayen id iyi d tewwi ad iyi tselkeḍ ihi xseɣ kan ad iniɣ lewṭab n yiwen ur tettqaddan ara yedrimen, wala tijmilin, win yebɣan ad as-yerr tajmilt ad yeddu deg wubrid i d-yewwi nnig waya d akellex
Abusṭawi taqrabt ɣef tayet, d abrid ad yefreq tibratin i d-yusan .am win iferḥen ass-a Dda ḥemmu tusa-yas-d tebratt ula d netta, abusṭawi yenna deg ul-is assa meqqar ad yefreḥ, ad iḥus d yiman-is am tizziwi-i, iḥar melmi ara yaweḍ ɣer taddart n Dda Ḥemmu.
Mi yewweḍ ɣer taddart, yufa wid yennumen yakan ttganin-t am ussan nniḍen
Dda ḥemmu s tjerduɛt-is yeṭṭef tiɣmert ur d ikkir ur n ḥerwa, ula d netta iwala abusṭawi n wiyaḍ, wamma netta ur yelli win ara as-d yarun”. Imɣaren zzin i ubusṭawi am akken tezzin i lkanun di tegrest akka i tella ɣer-neɣ nettḥir ad n wali abusṭawi yenṭeq:
Abusṭawi: Assa-a yiwen ur as-d-tusi tebrat ala yiwen. (At taddart yellan din ttemxezzaren) ala yiwen! aniwa wa ?
Abusṭawi: Ahaw ṭra aniwa ara t-id yafen!
Dda ɛmer: Ih! amzun ur iban ara! d Muḥend.
Abusṭawi: Mačči d muḥend
Wayeḍ: D Belɛid
Abusṭawi: iḍelli i as-d wwiɣ tabrat
Wayeḍ: D Musa
Abusṭawi: Dda musa ttun-t
Dda Musa: welleh ar ttidet i d tenniḍ, awi-d kan ma yella ulac win yesxerbubcen. arraw n temcict ulac win i-asen-izemren.
Abusṭawi: A wayi d Dda Ḥemmu! (At taddart wehmen bdan ttemxezzaren) Amek! Dda Ḥemmu?
Abusṭawi: D Dda Ḥemmu ih!
Wayeḍ: ihi ula d lmeytin akka d asawen ad asen-d-ttasent tebratin
Wayeḍ: ih yelha ad tt-dehmeḍ timeqbert
Dda Musa: Akka id lqum! kunwi tura amzun teɣram tesnem! ah xemmet ṭra ?
Abusṭawi: ulac fella-s, d aqesser kan i yebɣan ad qesren.
Dda ɛmer: win yebɣan ad iqesser ad iqesser d tiziwin-is, ah! Atan ttizya n jedd-nnsen, wiyi tura! (s usirxes) wiyi tura amzun ɣran!
Ilemẓi: Dda Ḥemmu seg assen i-as-d-necfa netta ur yeffiɣ taddart, ula d tamɣart-is …
Dda Musa: Zqef din, ayen ara d-ternuḍ akk d axessar fella-k
Abusṭawi: ah a Dda Musa atan waqila yerwi-d lebḥer-ik.
Dda Musa: di leɛnaya-k amek ur d ireggi ara lebḥer-ik, arrac n yiḍelli ad tmesxiren ɣef yergazen?
Ilemẓi: atan ihi! ula d nekkni nefreḥ, ah a Dda Ḥemmu mi tesɛiḍ widen ik iḥesben, ala ayen id yennulfan ass-a, wissen anisa akka id tecreq?
Ilemẓi: Aziɣen d ayemmi i yeqqaren tayaziṭ ima ar tesɛu irden ssawalen-as lalla čečču. zik ulac win i t-id yettadren tura Dda Muḥ d argaz
Abusṭawi: waqila sxesreɣ-d tisin ass-a
Ilemẓi: ala, nekkni nettqessir d aqesser, Aziɣen aṭas i yefren, aya i ɛeddan win d ufan yeqqim ula d tiɣimit ɣer Dda Ḥemmu ad as sbibben aḥedduf, llan wid ur t nettlaɛi ula d alaɛi.
Ilemẓi: aya iɛeddan rẓag tura ẓid. Abusṭawi: akken yebɣu yili newwi-d taswiɛt lmuhim Dda Ḥemmu tusa-yas-d tebrat.
Ayen akk yeḍran Dda Ḥemmu ur t-id yuli wawal.
Abusṭawi: ah! Dda Ḥemmu!
Dda Ḥemmu: ih yelha.
Abusṭawi: Atan, ula d kečč irẓeq-ik-id Rebbi, nnan win yeṭṭfen deg Rebbi la xuf.
Dda Hemmu: D Dda-k Ḥemmu tusa-yas-d tebrat! Wali-tt mliḥ ahat tɣelḍeḍ.
Abusṭawi: (iḥessen-it aṭas) ahya a Dda Ḥemmu! d akellex neɣ? Nniɣ-ak i kečč sik ikečč
Dda Ḥemmu: (ur yumin ara) ala k qqareɣ ahat mačči d nekk.
Abusṭawi: (iḥeṣṣen-it diɣen) aw! mačči d Dda Ḥemmu n at Dda Muḥ? ḥaca ma yella
Wayeḍ i yersen akka ur ẓẓriɣ ara.
Dda Ḥemmu: ala nekk i yersen akka ulac wayeḍ
Abusṭawi: ṭṭef ihi, ṭṭef a Dda Ḥemmu, ṭṭef.
Dda Ḥemmu: tzemreḍ ad iyi-d-iniḍ sanisa id truḥ?
Abusṭawi: (yeṭṭal tabratt) tusa-d …si (yewhem) … ih! Aziɣen t-tteffareḍ kan iman-ik ah! Aziɣen tuɛreḍ! Ɛlay ccan-ik aziɣ!
Dda Ḥemmu: ad k i ɛuz Rebbi, iban ɣef udem-iw (s uqesser). i tura s anisa i d tusa? aniwa i tt-id yuznen?
Abusṭawi: Akin, akin i waman. (Yettḥeṣṣin) ah a Dda Ḥemmu d ayen yecban lekteb! tamurt ur tban ara! Maca, akka ttwaliɣ tusa-d akin akin i udrar, akin akin, akin akin ddu ɣer zdat ɛeddi i At Wakin d At Wakkin, akin akin…
Dda Ḥemmu: tanemmirt i tura ad tesweḍ lqahwa?
Abusṭawi: ah! a Dda Ḥemmu ass-a d nekk ara yxelsen ula d imekli, mačči d lqahwa kan, ma tumneḍ welleh ar d ak ferḥeɣ aṭas aṭas, limer ad taɣeḍ d rray-iw ad t-id-tesseɣreḍ gar medden, ih! akken ad walin belli ula d Dda Ḥemmu ur yemmut ara, llan wid yecfan fella-s, yella-yasen deg wallaɣ. Ih! yiwet n tebrat n At Wakin akin tugar 100 tebratin n At Wakka.
Dda Ḥemmu: Ula d kečč! D acu ik id-ibdan akka? Yak d ayen teẓriḍ belli tabrat d serriya? Kečč tewwiḍ-tt-id nekk ttfeɣ-tt, ihi tura mi tebɣiḍ akka, ma tuɣeḍ-iyi d wawal ad iyi-tt-id tesseɣreḍ, ala kečč i yumneɣ, leqraya teɣriḍ, timeẓriwt teẓriḍ, tamusni tesneḍ, meqqar kemmel kan ajmil-ik. Abusṭawi: Nniɣ-ak a Dda Ḥemmu suref-iyi kan, abrid ɣezzif azal i teddu-d, ilaq ad kemleɣ, ɣur-i kra n lmandat aten-ssiweḍeɣ iy-imawlan-nsent.
Dda Ḥemmu: ah! Mačči akka ik ɣilleɣ! Ala teqqareḍ aqrab fessus, ɣef demma-w id tusiḍ ass-a, afraḥ tferḥeḍ-iyi, meqqar ad as ngerrez tameɣra kečč ad d ɣenniḍ nekk ad ceḍḥeɣ
Abusṭawi: Amek! (yewhem) tabrat ! ad as neg tameɣra ?
Dda Ḥemmu: Ah! ur tuklal ara neɣ ur uklaleɣ ara?
Abusṭawi: Leqraya ur d as stufaɣ ara, id yegran a tameɣra!
Dda Ḥemmu: aḥeq win d win, ar d iyi-tt-id tesseɣreḍ, ala kečč i yumneɣ, ayen yellan ad tnaf.
Abusṭawi: akka i yelliɣ akka ur zmireɣ ara d axeddam.
Dda Ḥemmu: ekkes-d iman-ik akka kra di lxedma, aha aha! sser-s akaskiḍ-ik.
Abusṭawi: awah! Ad kseɣ akaskiḍ? a d akaskiḍ i d kulec, ma yella kkseɣ-t d acu iyi-d-yeqqimen?
Dda Ḥemmu: ad yeqqim uqerruy-ik, neɣ ma yeɣli ukaskiḍ ad yeddu uqerruy?!
Abusṭawi: teẓriḍ a Dda Ḥemmu ur ssawḍeɣ-ara ad ayi-d-ṣaḥ wemkan-a alami i ttcerweɣ merɣet, awah! ɣas akka qleɣ d ssayeḥ maca, d wa iyi-d-yettmuddun aɣrum, ma yeɣli ad d yeɣli ccer felli.
Dda Ḥemmu: i tura! tamusni-k deg uqerruy-ik, neɣ deg ukaskiḍ-ik?
Abusṭawi: tamusni deg qerruy-iw aqerruy-iw daxel ukaskiḍ, ma yella akaskiḍ yeɣli teḥsiḍ…
Dda Ḥemmu: ad ibin uqerruy-ik.
Abusṭawi: twalaḍ!
Akli Outamazirt
yettkemmil…