Ahil n uselway n tegduda yeɛnan lebni n 100 n tzɣwa n uzenzi deg yal taɣiwant ig bedan d win ur newiḍ ara ɣer lemerɣub-is deg lwilaya n Tizi Wezzu d-yesfaydin 6700 n tezɣwa. D acu, seg 7 n yiseggasen-aya, ḥala 3615 n tzeɣwa i yesawḍen azal n 53% deg lebni. Mazal lecɣal teddun deg 1097 n tzeɣwa. Rnu, 423 n tzeɣwa mazal ur bedin ara deg-sent lecɣal. 510 ḥebsen lecɣal deg-sent. Tella-d daɣen tukksa n 1055 n tzeɣwa, tukksa-a tcud ɣer lixsas n wakal n lebni. Si tama niḍen yella-d uḥbas n lecɣal s-ɣur tnemhalt n la DELP , acku ilmeẓyen ur rin ara lewelha nsen ɣur-sent. Ulla tizeɣwa i iwejden ulac win ara tent-isekrun. Aya imi tizeɣewa-a d tid meẓziyen s waṭas am akken,deg tuget nsent, zgant-d deg yimeḍqan i ibaɛden ɣef temdinin.
D.I.