Deg temlilit taneggarut n yineγlafen n berra n tmura n tefriqt ugafa iwumi qqaren ‘’tadukli n lmaγrib aεrab’’ (UMA) i d-yennulfan deg useggas 1989, yeḍleb uneγlaf n Lmerruk i wakken ad yettwakkes wawal « aεrab » seg tuddsa-agi. Σlaḥsab n uneγlaf-agi, Mass SAAD Eddine Othmani, awal ‘’aεrab’’ yezmer ad d-iban d asḍarref n Yimaziγen di tmurt nsen. D acu kan ineγlafen-nni-nniḍen (n Lezzayer, Tunes, Libya d Muritanya) zgan-d mgal rray-a : ugin-t akken ma llan.
I usmekti, aneγlaf n Lmerruk Mass SAAD Edine Othmani yakka-d seg yiwet n twacult tamaziγt n Ssus.
H..M.