Yal mi ara d-tawweḍ taggara n useggas ad tebdu yemma ad iyi-d-testeqsay ɣef yennayer,melmi ara yebdu useggas amaynut?
Testeqsay-yi-d daɣen ɣef tafada imaziɣen,melmi i d Meɣres, melmi i d iquranen ,ma d amerdil ideg nella? Lhasun ur tɣefel ara yakk ɣef wanecta ala agguren d tsemhuyin i d cɣel-is.
Acu kan,ur zriɣ ara ma yella ula d tiyemmatin -agi n temdint steqsayent ɣef wanecta?Ula d imesdurar-agi iruhen ar temdint ur zriɣ ara ma yella tceɣbiten tfada-ayagi-nneɣ,ma yella tɛassan akka tawwurt useggas?
Ma yella suturen akken ad yili Yennayer s wudem unsib,d ass ideg ur xeddemen ara ixeddamen di kuz(04)tɣemmar n tmurt nLezzayer.
Akken daɣen ad yili Yennayer d ass ideg ara nebdu lehsab-nneɣ,ad nesseddu yes azemz-nneɣ ama deg uɣerbaz deg tedbelt,deg yal ihricen yellan.
Yiwen wass ahat ad as-inniɣ i yemma,ass-a d amenzu n Yennayer 29….,akka i turiɣ deg uɣerbaz,akka id-yura ɣef yiwen isemli adebli id-yettucegaen di Lzzayer tamaneɣt.Ass-agi ad yers imensi-yagi uyazid.
Tawwurt useggas
Iḍ-agi d iḍ
yal aɛeggal s uyazid
wissen deg Lezzayer tamaneɣt
isereh yiles ad tinid
hedder alamma teayid
wissen deg Lezzayer tamaneɣt
Yal aseggas ad d-teziḍ
akken telliḍ i telliɣ
deg lezzayer tamaneɣt
Anda teqneḍ i tebriḍ
yiwen wawal i tesaiḍ
ayen a Lezzayer tamanneɣt
Ar melmi ara d-takiḍ
ar melmi ara t-id semmiḍ a Lezzayer tamanneɣt.
Nacira A