Imezdaɣ n taddart n Taqsebt di tɣiwant n Iflisen n Lebeɛr, 42 ikilumetren deg ugafa n lwilaya n Tizi wezzu, d wid yerfan s sebba n weɣbel n ttilifun i d-yesglan n weɣbel niḍen deg weḥric n l’Internet. Nig n 6 wagguren aya ur yelli ttilifun deg taddart-a d tamiwin i d as-d-yezzin. Ma d l’Internet, nnig n 15 n wussan aya ur telli. Ɣas akken imezdaɣ d wid i iqesden srabes n l ACTEL n Tigzirt maca ur d-ufin tifrat i weɣbel nsen, imi qqaren-asen belli sebba d tukerḍa n lexeyuḍ n ttilifun. Aɣbel-a d win iḥuzen yak imezdaɣ ladɣa inelmaden yesseqdacen ttawil-a deg leqraya nsen. Imezdaɣ d wid tettara tmara ad ṣuben ɣer temdint n Tigzirt iwaken ad ruḥen ɣer les cyber café aya d ayen i d asen-d-yesqamayen tadrimt meqren. Ad nar tamawet belli taddart-a n Taqsebt d yiwet n tudrin meqren deg tɣiwant n Iflisen i yettidiren iɣeblan niḍen ladɣa lexṣaṣ n waman ama d anebdu ama d cetewa, maca taddert-a d tin i icebḥen mačči d kra imi nettat d tis tlata i izedgen gar 1 500 n tudrin n lwilaya n Tizi Wezzu deg useggas n 2008, aya s sebba n leqdic n tejmaɛt n taddart
D. I .