Am di yal tikelt mi ara yilli lebɣi akked d nmara dduklen, xas s cwiṭ n wallalen yezmer ad illal wayen yelhan. D anect-a id-aɣ d sebgnent snat n tidukliwin tidelsanin « Asafu » d « Med rêve » i-ireṣan leqrar di Tigzirt.
Snat n tudkliwin- agi , nnig leqdic n yal ass deg annar, rnant afud i tawilat n talɣut( information) akked taylawt( la communication) s tawil n umaṭaf Mizrana( radio Mizrana) akked tilibizyun Mizrana( Mizrana TV). Ssin wallalen id yettillin ɣef lemwaji n l’Internet nezmer a nekcem ɣersen s ssin n iseɣwan-agi ( liens) : www.radiomizrana.com/ www.mizranetv.com.
Akken a nẓer d acu i d- ahil akked d iswiyen yellan di lwelha n snat n tidukliwin- agi, nemlal d yiwen seg iɛagalen-is Amar Hamani.
Acu i d leqdic teɛna tadukli-nwen deg ussan-a ?
Deg ussan-a newqem aṭas n timziknyin ( expositions) yeqnen ɣer tudert n imjuhad n tagrawla n 54. Deg akka negga timzikent deg Iflisen, Tigzirt, Mizrana, Timizart n At Jennad.
Acu i d- lmeqsud- nwen deffir leqdic-agi ?
Leqdic-nneɣ yedda akked lwajeb n waktay. Imjuhad-agi la ten-ttawi milḥaq wa deffir wa, akken ur d tettuɣal ara fell-asen tatut, nreẓẓu ɣer-sen akken ad nesekles yid-sen amud di tudert-nsen, ad innin ayen ẓran d wayen umu cfan, akken mi d nesmed ayen ilaqen n tuggwa( témoignages) ad yelli asaru neɣ adlis s demma. Radyu akked TV Miẓrana d yiwen wallal ijebden ɣer iswi-agi.
Anwi udusen( organismes) wukkud tesduklem leqdic ?
Nettemɛawen di lawan-a ala akked d tisquma n tiɣiwanin d tisudets taɣalnawt n yemjuhad ( ONM).
Akken leqdic-agi umu it- beddem ad yemmeɣ d tirni, amek tenwa-m tikli ɣer zdat ?
Di teswiɛt-a lhem-nneɣ a nḥaz yakk imjuhad di yal tama n tmurt n Leqbayel, sin akkin a nezger ɣer wid n temnaḍin nniḍen di tmurt wakali. Akken aɣ -yishil umecwar nekni a nesṭuqet di timzikniyin akked d usefhem i medden d acu i d- izal n uḥawac n waktay akken amzruy neǧren lwaldin-nneɣ ad yilli d lefnar ara iwahin abrid i tasuta i d -iḍefren imi akken qqaren : yal tasuta tesutur tugna( icones) ara as yillin d lefnar deg abrid n tudert.
wukkud tenwam ad illin isura –agi tetthegim ?
Neṣɛa yiwen wudus : Mizrana production. Yid-s ara nasali leqdic-nneɣ. Nnig taḥawact n tudert n yemjuhad nesfilit- diɣ a neɛnu imeɣrasen n yal taxlijt di tmurt akken kra n wayen iɛaden neɣ dren imawlen-nneɣ ur yettruḥ ara d abendu.
A. S. H