Ilmend n wass aγelnaw n yimeεdar id-yettuγalen yal ass n 14 maγres di yal seggas, tidukla n yimeεder d yemdukkal-nsen n tγiwant n Wizgan sudsen-d yiwen n leqdic s wazal-is i yebdan ass n 09 maγres yezrin i yeddan s teγzi n 08 n wussan, tigi d tiwwura yeldin i useḥbiber, aḥesses d uwellah n yimaεder d yimawlan-nsen.Leqdic d win yennulen 04 n tγiwanin yetabaεen la dayra n Wizgan, am Wizgan, At-Zikki, Illoula Oumalou d At-Yeğğar. Dγa leqdic yebda di tγiwant At-Yeğğar s wudem unṣib ass n 09 maγres yezrin, ass n 11 maγres di tγiwant n At-Zikki, 12 maγres di tγiwant n Illoula Oumalou, anda ijarden yiwen n wahil n leqdic γezzifen u damarkanti, anda illan-t temzikniyin yemgaraden γef imaεder, isaragen id-ffkan imejayen n tnefsit d wid i tewxeṣen deg lahdur γef ammek ara d-yilli uḥareb γef imaεder d iwellihen iten-iwulem.syen leqdic ikemmel ass n 14 maγres deg γarbaz n yimaεder n tγiwant n Wizgan, anda ixedmen yiwet n tmeγra meqqren γef dema n wass imaεder, anda yella wurar d unecraḥ, d tikci n warazen.
Dγa leqdic-agi yesekcem lferḥ γer wulawen n yimaεder d yimawlan-nsen, imi d tagnitt yelha anda i sen-tuγal tejmilt akken iwata lḥal.
Islam Bessaci