Tameɣra n lefeṭṭa i d- yettilin deg tɣiwant n At Yanni , ad d-tuɣal aseggas-a di tezrigt-is tis 10, mi akken tɣab aseggas yezrin. Ṛreḥba-agi ad tili seg wass wis 10 alamma d 23 seg wagguer n ɣuct i d-iteddun. Tameɣra-agi, ɣef leḥsab n wayen i nesla, d tin ara d-yessemlilin imawlan n lḥirfa-agi yettilin di temnaḍin yemxallafen n tmurt, imi leqdic yebda yakan seg yimalas yezrin iwakken ad d-tili di tegnatin igerzen. Iwulem kan ad d-nebder dakken lḥirfa-a tettmagar iɣeblan yeggten, am lixṣas n lmerǧan d leɣla n lfeṭṭa.
D. I.