Accueil Tamazight Annar akka i yettwarwat.

Annar akka i yettwarwat.

1965
- PUBLICITÉ -

Yiwen wass, agellid n tmurt iwala yelli-s meqqret, yaεni tewweḍ izzwağ, iqqim i ttxemmim weḥd-s iqqaṛ:-Ay ul-iw yelli ṭṭuqten-d fell-as inexḍaben, maca nekk bγiγ-as argaz i tt-yuklalen s tirugza, mačči s yidrimen.

- PUBLICITÉ -

Acku yelli-s n ugellid asurdi ur tt-ixuṣ wara, ma textaṛ di kra nniḍen.

Agellid ittxemmim, armi t-id-tusa tekti, isawel i kra n yixeddamen-is, inna-asen:-Ad truḥem a d-tesnejmaεem meṛṛa at tmurt ad asen-tinim, agellid yuqqem-d amgarad, win ara ifazen deg-s ad yawi tarzeft d tameqrant.

Yiwen seg yiqeddacen n ugellid inna-as:-Ay agellid amek ara nini ma steqsan-aγ-d γef ṣṣenf n temzizelt neγ γef warraz d acut?

Inna-asen ugellid:-S tidett, amgarad d akken win ara isrewten annar n yirden ur yumis d aγebbaṛ d netta ara yaγen yelli tawḥiḍt εzizen.

Akken i teḍra, mi i iffeγ wawal akk widen igren iman-nsen deg umgarad ur zmiren ara acku, d awezγi ad tesrewteḍ annar ur tettγebbired, armi atan ikker-d yiwen n yilemẓi iban iẓwer, inna-asen i lεasker n ugellid:-Awit-iyi-d tazart.

Fkan-as-tt-id, ibda aserwet mebla leḥder am wiyaḍ armi ikfa yuγal ala aγebbaṛ.

Inna-as ugellid:-Aql-ik ala aγebbaṛ yerna ur taεriḍeḍ ara ad tḥadreḍ iman-ik, d acu i d lmeqsud-ik?

Argaz:-Ay agellid annar akka i ittwarwat ma d yelli-k wi ibγun yaγ-itt.

Irra-as ugellid:-Ih a mmi d kečč i s-iwulmen.

Lmeqsud n urgaz d akken ccγel isεa lqanun ur izmir yiwen a t-ibeddel γef lmeqsud nniḍen ama d asurdi ama d ayen nniḍen, lxudma tettwaxdem akken is-d-iwwi lḥal, qqaṛen wat zik:-Yir ccγel ittgalla di bab-is.

Yeḥya Yanes

- PUBLICITÉ -