XƩli: (imuqel-itt) tihin?!
Weεli: waqila ur d iyi-tumineḍ ara, ɣur-k azref ula d nekk akka i tt-ttwaliɣ, tezyen, melliḥet, iles aẓidan am tamemt …maca d tiɣirdemt n wusu, kra din akk d ssem,ih i nekk yerran ssem mebγir tamment
Ʃli: (I umeddakel-is) terriḍ ssem?!
Weεli: I wergaz-is imi i d as nniɣ: awi yafen tayri nneɣ ur tessaɣ ara deg dammen, terra-iyi-d : uh ula d kečč,tcegleḍ akk iman-ik! Ula d lmus n umejjay ijerreḥ, maca yettdawi akka ula d kečč, tsejjiḍ-iyi tameddurt-iw
Ʃli: tessen-as iṣṣerf!
Weεli: ṣṣerf yezga ɣef yiles-is, awal-is am tiqit n zzit i uyeddic s akken kan ara yiqi i ruḥ sṭer, timecki i as ifukk ad t-terr ar uẓawan
Tameṭṭut: (tband tugna-s di tallunt, tezzi tqeffilt n radyu) sell-as ihi tizlitt-a d acu ara d tawi tsell i tezlitt: yid-k yid-k, yid-k alamma d lmut
Weεli: (yessemḥes alammi ddeqs)Akken i d axezzur i d-iyi-d tettak ….am akken d nettat kan i terza tyita
Tameṭṭut: (tettmeslay-d) ih ay εziz, tudert-iw i kečč alamma d lmut, twalaḍ amek i tekkat?
Ʃli:Acimi ur tt-tumineḍ ara?
Weεli: acku yella wayen i tt-id ibegnen
Ʃli: tecfiḍ ar tura fell-as? Aha kan sken aɣ-d kra deg-s!
Weεli: ur cfiɣ ara fell-asen akken i wata
Ʃli: axxi kan akka kra n temsegrayin (conclusions)
Weεli: ih…timsegrayin… ẓẓayit, d ayen i d yessebganen aṭas n tidett teffer
Ʃli: bɣiɣ kan ad ak iniɣ ala ayen yeṭṭef wallaɣ i zemren ad ibin d tugna, wamma timsegrayin ur d ttbanent ara
Weεli: amen-iyi ar d tidet i ak d qqareɣ
Ʃli: d kečč kan i walan
Weεli: ula d akken nekk
Ʃli: d acu?
Weεli: (yettxezzir tugna-nni) d ayen erra…tugna-a tamelḥant!…. d ayen ttuγ akk ayen i d iyi tga, ttuɣ ayen yelan gar-ane&gamma,; lammer da i tella tura, ur tufiḍ ara as geɣ ɣas akken tečča-d ul-iw, maca ur ttneqqeɣ ara, zemreɣ kan ad tlumeɣ
Ʃli: d tidet ur tufiḍ ay aɣ-d iqemen d assaɣ gar aneɣ d yezri (iεeddan) akken ifut i yemmut
Weεli: nekk ugadeɣ ɣef wudem-ina ad yeccerbeḍ at-id-aɣent tregwa, ad as cuḥeɣ akken ad yeqqim akken yella, ad sedhayeɣ yes-s iman-iw
Ʃli: akken tebɣuḍ tesxezneḍ d ulaqrar ad terzu temɣer tin ur nezeggel ula d kra.
Weεli 🙁 i tugna) ala, ala ttxilem qim kan akken telliḍ, ttxilem ẓẓu deg uqerruy-iw akka telliḍ ttxilem, ttxilem
Ʃli : (yemmuqel ar tugana) d tidet ɣur-k azeref ma tjaḥeḍ, tuklal ad teqqim akka
Weεli: (yerra aqerruy-is gar n yifassen-is tugna n tmeṭṭut-is tettruḥ)
Ʃli: truḥ….teffeɣ aqerruy-ik
Weεli: (irfed-d aqerruy-is) d tidet uɣaleɣ ur zmireɣ ara ad mmektiɣ ula d kra, acimi akk anect-a n weckunṭeḍ di tugniwin yezrin!
Ʃli: acku ur tufiḍ id ar-d yeqqimen, la amiran (présent) la amteddu (avenir) !
Weεli: (yewhem) amek?!
Ʃli: tta i ttilawt (realité) d acu i d amiran nneɣ ass-a? d acu-t wemteddu-nneɣ azekka?!
Weεli: (yettxemmim) ass-a?! Azekka?!
Ʃli: twalaḍ?! Uɣalen s war azal acku ulac tidyanin, ih ur yelli uṣemiḍ,ur yelli llaẓ, ur telli tgella,ulac amahil, ulac iḍes, ulac asgunfu, ulac aṭṭan, ulac tujjya ….acku d tidyanin i d islalyen akkud
Weεli: ulac tidyanin??
Ʃli: d kečč kan i yettwalin akka, mačči d kečč i d yennan ulac ixeddim? Acku uli iwacu-t, ur tufiḍ i d aɣ-d iqqimen?! Ma yella akka d acu ara yeḍrun? Ma d yella ulac ixeddim? D turart?!
Weεli: turart- ih! Ala turart i aγ-d iqqimen
Ʃli: dayen ihi nurar s tugniwin
Weεli: d nekk i tent-id yessulin deg wallaɣ-iw, d imi i tedhiḍ, tura yeqqim-d kan ad tessaliḍ deg uqerruy-ik aktayen-ik am nekk
Ʃli: Sḥasfeɣ aktayen-iynu ur sedhayen ara, tilawin akk deg irecleɣ lammer ttmenyafeɣ ur tent-id ttmektayeɣ ara, yerna kra yellan ttuɣ-t
Weεli: di ğğin i tḥemleḍ?
Ʃli: ala yiwen tikelt aseggas aneggar-w di tseddawit, ula ttin teffe deg wallaγ-iw ur cfiɣ ara af tugna-s
Weεli: ulac akk akka kra deg wayen yessewhamen di tudert-ik?
Ʃli: ur umineɣ ara
Weεli: d lewhayem! Amek i tettiliḍ ih!
Ʃli: kkerɣ-d d agujil, d aẓawali ….dduriɣ ar εemmi, εemi a ɣur-s lqaḥwa, ala imakaren d iceffaren i tezzin ar din, ad ffɣeɣ kan seg yixeddim ad iyi qqen ar din ttmudduγ-as tallelt din i d sliɣ i aṭas n tedyanin n tmenɣiwt, d takerḍa, d uceffer uɣaleɣ am akken d ulac ɣur-i, maca nekk ttewteɣ ɣaf iceqlalen alammi ssawḍeɣ ttsegimeɣ-ten skud keččmen-d yedrimen jebbden-iyi alammi uɣaleɣ ttewteɣ akkiya fella-sen, uɣalen iyi d iswi (but), ttmuquleɣ kan s azekka
Weεli: itxettarin-nni i tgiḍ akken?
Ʃli: ttɣileɣ s wakken ara awḍeɣ s azekka-nni!
Weεli: ay hdum i k yewwin! ala iḍelli i d ak-d iqqimen
Ʃli: iḍelli amcum, reggleɣ-as yeṭṭafar-iyi-d
Weεli: tettuɣaḍeḍ aziɣ!
Ʃli: ssarameɣ kan ur d iyi-d tettwaliḍ ara s tiṭ n temḥeqranit d tiruxsa, ulac tin i d-iyi-zeglen, bdant-iyi temsal akken d aleqqaq, mačči d uksaneɣ
Weεli: ttxilek ma wer tesuffeɣeḍ akk annect-a deg qerruy-ik,acku anida akka nella yiwen ur yezmir ad yessirxes wayeḍ. Ula d nekk akka i d-iyi-teḍra: d yiwen n umejjay i d iyi-d yesekkren, netta ur yettwassen ara, maca yewwi-tt-id deffir-i alammi i tessawḍeɣ ar yiswi-s ffɣeɣ-d d amejjay ifazen, lemziya kan yemmut send (uqbel) ad yeɣli wayen i d-yebna, ad yeḥder i txettart-a
Ʃli: ih! cwiṭ yessedrem ayen akk tebniḍ, i send tamsalt-a, ulac akk anida tecḍeḍ?
Weεli: ulac
Ʃli: zeddig yizri-ynek!
Weεli: ih send tadyant-nni
Ʃli: amarezg-ik, kečč meqqar ɣur-k izri zeddigen, ad teddariḍ deg-s, mačči am nekk d abuεeryan, aktayen-iynu akk d timerzuga win d mmektaɣ ad nesmumiɣ.
Weεli: aha! ula d kečč!
Ʃli: akken yebɣu yili, tta i tidet ….tidet-iw nekk! Ur tufiḍ anida anida ara terreɣ! ar yiḍelli?!….ar uzekka?!….i tura anidat umteddu-nni (avenir) i d-iyi-wwin ar wesyax? ttmuquleɣ kan ɣur-s, kra yella sebbleγ-t fella-s, i ass-a anida yella? ih! kra din i ruḥ (yennegneg d taḍsa)
Weεli: ttxilk ur d taḍsa ara
Ʃli: tudert-iw! akka ad t-id awiγ di Berra…d abuεeryan …d abuεeryan (yennegneg)
Weεli: d acu yellan, ad nidir s yizri-w, ih ad aɣ-d yekkfu wa ad ayagar
Ʃli: izri-k?!
Weεli: ih! Ur tejxileḍ ara di tugna n tmeṭṭut-iw?
Ʃli: d tidet!
Weεli: ad nidir s wayen i yeffreɣ deg uqerruy-iw,nekk ad settfeɣ tugniwin nni akken i wata deg wallaɣ-iw, imi ara d banent, ẓẓwer cfu fella-sent sexzen-itent,deg-s ad nesḥbiber fella-sent ur aɣ ttruḥunt ara, ur mettunt ara, degs ad tedhuḍ yes-sent, d acu i tenniḍ?
Ʃli: ẓẓay-it, akken ẓẓayet tudert s wayen yezrin
Weεli: d aya kan i d aɣ-d iqqimen
Ʃli: yessefk fella-neɣ ad neslal imira d yimmal
Weεli: amek?
Ʃli: ur walaɣ ara…ur walaɣ ara, maca yessefk ad d naf kra, d awezɣi ad nadir s turin n yizri di lifeẓ, ayya ekker fella-k ekker!
Weεli: anida?
Ʃli: ɣar wanida nniḍen… kra kan yewwi-d ad yeḍru
Weεli: da! ur tufiḍ ara d yeḍrun
Ʃli: (isuɣ) ur d qqar ara akka ….neɣ muli ad iyi ffeɣ leεqel….ma qqimeɣ akka ad drewceɣ….ala tidderwact ara
drewceɣ, aww! ulac akk d acu ara d yeḍrun?!
Weεli: s talwit, s talwit ay ameddakel, ma i ruḥ leεqel twenneε fell-aɣ!
Ʃli: ma yella neɣ ulac-it kif kif, d acu ara geɣ s leεqel ma yella ulac d acu i d yettlalan, neɣ id iḍerrun?
Weεli: d tidet, maca…!
Ʃli: maca! D acu? yella kra imi tzemreḍ?! Ulac, acku ulac tamara i t-yerran akken ad ixemmem. ur nettlaẓ, ur nettfad, ur d aɣ iqerreḥ uṣemmiḍ, naɣ aẓɣal, ur … aqlaγ am wumrisen ina i aɣ-d sedan, amek tettɣillliḍ ad ak-d yaf kra !
Weεli: d lewhayem, asmi inella di lqaεa nessaram ad nekkes llaẓ, εeyyu, aṭṭan, d wa i d asirem n wemdan, aqlaɣ tura newweḍ akk ɣar-sen: tawat, tadawsa timezgiyin…maca yella wayen yugaren aya
Akli Outamazirt