Yella yiwen zik-nni
Qqaren-as Muḥ Afenyan
Kra ufayan akenni
Ma d aglim-is d acebḥan
Ulac acu yettmeni
Ur t-ttḥazen iɣeblan
Efk-as kan učči d tguni
Iǧǧa-yak ayen yellan
Win yufa, ad as-yini :
A d nek i d MuḥAfenyan
Anda nḥewaɣ nekkini ?
Aglim-inu d acebḥan
Medden ṛwan akuṛfi
D aɣrum-nni i ten-yenfan
Xeddmen teccercur tidi
Qlilit widak yerwan
A sen-d-iqim i tili
I netta d acu i t-yehman
Mi s-nnan : i keččini ?
I keč a Muḥ Afenyan ?
A sen-yini : nekkini
D nek i d Muḥ Afenyan
Ur tezrim ara kunwi
Aglim-inu d acebḥan ?
Mi s-nnan : i keččini ?
I keč a Muḥ Afenyan ?
Acu ɣ-d-tewwiḍ akkagi ?
Tura iwezzan kfan
Inna-yasen : nekkini
D nek i d Muḥ Afenyan
Tessenm-iyi nekkini
Aglim-inu d acebḥan…
Ass_nni rfan dayennni
Beṛṛa n wexxam i t-ǧǧan
ɣlin-d fell-as s iɛekzan
almi t-rran d aberkan
Muḥya