Accueil Tamazight Agudi yečča-tent !

Iɣil 3li/At Rzin : Agudi yečča-tent !

1583
- PUBLICITÉ -

Awah! Liḥala ur tessefṛaḥara di tɣiwanin n Iɣil 3li akk d At Ṛzin, i d-izgan deg wenẓul n lwilaya n Bgayet ! Ṛṣaḍ neɣ agudi « ičča-tent »! Tiɣiwanin-agi ur sɛint ara annaren anda ara degrent ṛṣaḍ-nsent, imi imezdaɣen n tamiwin n Iciqar d Biziyu, i d-izgan zdat n wasif n Saḥel, ugin-asent ad degrent dinna agudi, acku, ɛla ḥsab imezdaɣen-a, agudi illan deg tama-nsen ixdem axeṣṣar deg-sen s dduxan : yiṛ ṛṛiḥa akk rnu tizitt ! Aya d ugur ɣef tɣiwanin-agi ur nufi ara anda ara rrent rṣaḍ-nsent ! Nessikel aṛ tɣiwanin-agi, ussan-a, nufa agudi d aṛṣaḍ « flend » ɣef iberdan, tettrihi liḥala….  Imdebren n tɣiwanin-agi, nudan annaṛen iwakken ad drren ṛṣaḍ, ur uffint ara. Yerna ɣas ma yella ufan-ten, imeszdaɣen ttagin ad yuɣal wakal-nsen d annar n ugudi ! Ayagi iǧǧan tazɣent tennerna s waṭaṣ. Maca, taɣiwant n iɣil 3li, tufad tifrat i wegnu agi, d acu kan ad tdum krad (03) wagguren kan. Imḍebren mmsefhamen d tɣiwant n Ṣuṛ lɣuzlan, deg lwilaya n Tubiret, iwakken ad awin ar din agudi ,  deg laɛḍil. Ad ner tamawt belli asenfar n ugudi neɣ « le CET », i yellan deg tɣiwant n Bujlil, yeqqim d asenfar kan, imi ugin kra n yimdanen ad yuɣal d annar n rṣaḍ i tɣiwanin n tama ufella n summam: Bujlil, Tazmalt, Iɣil 3li akw d At Rzin. Wigi nnan-d « ur nebɣi ara ad nuɣal d agudi n tɣiwanin nniḍen! ». Ttaɣenant neɣ d lqella lefhama! Ayagi, yeǧǧa rṣaḍ deg tɣiwanin n Iɣil 3li d At Rzin ittnefli, ittnerni ad as-tiniḍ d tiɣaltin timecṭuḥin.

- PUBLICITÉ -

Syphax.Y

- PUBLICITÉ -