”Yenna-d: waqila tebdiḍ tfehmeḍ iɛeggeḍ: alihaw eṭṭef-t-tt-id ɣurawaw ad awen-yerwel, eṭṭefet-tt-id akken ad t-nessefhem akken ur yettjeddil ara ad inadi ad d yefhem.
Nekk imaren tarewla, tarewla i yeɛlayen d iḍarren.ay aziɣ llan iwaɣezniwen ɣaf ṣṣifa n yemdanen, ih…sufella d amdan ɣar daxel d awaɣzen.
Buḥu: Dayen tura, dayen fukent-ak-d, terriḍ-aɣ d izgaren nessusem-ak, tura imi tessawḍeḍ ɣar iwaɣzeniwen ur tufiḍ i d-yeqqimen.
Beẓẓa: d acu i d awaɣzen ay aweɣzen?
Buḥu: waqila i cceḍ-ak umeslay-ik a win! Tettmuquleḍ iman-ik ɣar lemri naɣ ala?
Beẓẓa: iwacu lemri? Kečč i nekk d lemri iwacu lemri! ur d iyi-d-nessbgan udem n tidetɣ ɣur-i. lammer lemri d lemri, tilli ad iyi-d-yessebgen ayen ur tt-waliɣ ɣur-i ma d ayen yellan,walaɣt fiḥel lemri
Buḥu: Semḥes semḥes mačči eeddi kanb, ad afilu i d-yefka Rebbi deg-s!
Beẓẓa: Amek ihi? ima ara tafeḍ amdan ilul-d s tayri i tayri, ad atfeḍ yuɣal d tamḥeqranit i temḥeqranit. ma ara tafeḍ amdan ilul-d s talwit i talwit, ad tafeḍ yessaɣay tigrawliwin yessazal deg yidammen. ima ara tafeḍ amdan ilul-d s wezref i wezref ad tafeḍ yettṣamar,yettsawam izerfan n wiyaḍ? Imdanen am wigi, ugaren iwaɣzeniwen. s yiles i yettudum d tizeṭ ma deg wul d terzeg d tesmem i yesgugul. Aniwa ur nebɣi tayri? win testeqsaḍ ad ak yini ḥemmleɣ. anida-tt leḥmala, anida-tt tayri?
Buḥu: Ah! tura kečč ad d ɛelqen ulawen-nnsen ɣef wallen-nsen naɣ ad ag-d yeggal.
Beẓẓa: Tayri ur tuḥwağ limin, tettbin-id deg wudem, tezdeɣ allen. Anida-tt tayri? Tiɣmert i ɣar temmuqeleḍ ad tsemmiḍ ad tɛegḍeḍ. tinyirin kersen-t, axezzur qeṭṭiɛ alami i yessagad. amek, amek ara mneɣ ul-ik tzedeɣ-it tayri udem-ik yednes am wakli amek ?
Nenna-d tidet rran-tt d lekdeb, nessaweḍ alarmi i d as-nnenna: ma yella ur tuminem ara ad d-nawi inagan.Tekker ddunuit ɣar laxert Uh…ula d kunwi yella kra yeẓra…bbuh fell-awen bbuh a lexlawi inagan…! melmi? anida?
D wida….D wida id inagan …bbuh a lexlawi ma d wida id inagan. ula d wida am kečč yiwen-nwen. anefet-as, anefet-as ad yesɛulleḍ ɣaf yiman-is sɛulleḍ sɛulleḍ ameslay baṭel ulac fell-as lexlas. ur tettqassat ara, ur tettqassat ara ur yelli ara lɣerḍ-is. ih mačči di lɣerḍ-is i yella. i d nenna, i d nenna…yal ma ara ad nini ad aɣ-semmin, wa yeqqar-as :d tismin i yettasem, wa yeqqar-as :d ayen yenza .awah ula d kečč uɣen-t yella kra i d-yegran ?d aceyeɛ i t-id-ceyɛen, ula d kečč…
Buḥu: ula d nekk teḍra-yi-d akka am kečč
Beẓẓa: di leɛna ak ma wer yi-d tenniḍ d acu-t wannecta? yenza. atan nekk win yufan ad d inez ɣas inez,win yufan ad d yasem ɣas yasem. Awi yufan yal yiwen ad yemmeslay d yiman-is ad iwali i d-yezzin i yiri-s. awin yudafen a win i d yuẓan. s tiṭ aw ɛemmi.Fiḥel teɣzi n yiles, fiḥel asfuğğeɣ ayen id aɣ yerzan yerza-yaɣ, maca tagnitt ur telli yid-neɣ terẓa-yaɣ anida nebɣu nili nettwaɛqal, ccama ger wallen am inisiyen, yiwen ur k iḥetteb iynes, ala win i nekk, naɣ akken i d as-nnan : win mi tt-tekkes tugdi d ṭlam yeqqar ur yelhi leḥram. akken ad simeɣren leɛdad-nnsen, lethan di tid ur nemɛin, wammag as fejṭer gar watmaten d asmuhbel.
Buḥu: I tura yal yiwen anida tessaweḍ tmusini-s, d akken tamuɣli-s
Beẓẓa: ur d teqqim ara di tmusni, d tmuɣli. Lammer d tamusni ad as nini anef, ahat tamusni ɣar tmusni ṣṣawaḍent ɣar tmusni, ad d msefhamen,Tamuɣli ɣar tmuɣli ad mesqrrdacen ad d afen tamuɣli ara sen-d-yezgen, a wigi : rennana ujeɛbub di lkanun, tiyita n Rebbi tayeḍ n Mḥend Aḥeḍri, aniwa ara d yekken nnig wayeḍ, yerna gar-aneγ kan wamma ɣar bera nettuɣal d at ṣwab.
Buḥu: Ayagi iḍerru deg yiwet n tmurt, ula d wida ur d asen-nfaq ara kan wammag amdan d amdan anida yebɣu yili maca nutni lekyasa-nnsen tugar tiḥerci-nneɣ
Beẓẓa: Dagi i tuden icci-s,nekkni rra aɣ tezdeg n sufella, ma d tin n daxel tettḍurru. Erra aɣ aqemmuc, ma d allaɣ aneft-as ad ixuxxuc, aqerru nnig tagut, arkasen ččuren d aluḍ.
Buḥu: Ur yeɛdil ara ihuh, d ayen akk Tenger ah!
Beẓẓa: A ddunit tenger ɣaf wid ɣaf i tenger si zik mačči alammi i d ass-a.
Buḥu: Ur tettamnet ara, ur tettamnet ara wagi meqqer ccerṭ-is
Beẓẓa: Nebɣa ad nwali, nebɣa ad nali, nebɣa ad nemyili, maca amek?
Buḥu: Wissen amek i yga wamek, wissen ma d a tt-fak tebrek, wissen anida-t ssalek ara d yasen ad aɣ-d-isellek naɣ ad aɣ-isalek.
Beẓẓa: amek ara tfak tebrek, temlel nugi ad tensalek? Amek ara tfak tebrek, ma ur-d nessefruri amek? amek ara d-naf amek?
Buḥu: D ayen fessusen.
Beẓza: d ayen fessusen! id ak iḥsab Rebbi
Buḥu: Ad d nesteqsi ilaq, d netta ara ɣ-d-yinin amek i ylaq ad d naf amek.
Beẓẓa: Amek ara d naf ilaq netta aṭas n wasmiwen i yesɛa.
Buḥu: ilaq d ilaq.
Beẓẓa: aniwi wigi?
Buḥu: limer dlebɣi, awi yufan…ma nwala ilaq am akken nwala-ten akk,.d netta ara ɣ-ten-id-yawin (yessawḍ-d) ah ata yilaq yessawḥ-d. Twalaḥ bedred izem ad yeḥzuzem amzun nemsawal
Beẓẓa: Ulawen ttemsawalen, idammen ttemyenɛaren.
Ilaq: Aqli ihi gar-awen, s wayen i umi zemreɣ.
Buḥu: Amek ay ilaq? Amek i ylaq ad d naf amek?
Ilaq: Amek ara d yemmeslay ilaq ma yella ulac imdukal-is ?
Buḥu: ah ay ilaq fiḥel ad nezzi i ufurek d kečč i d nutni ma ulac-ik tassirt ad tentaɣ di ryac.
Ilaq: Aya d tidet maca yewwi-d fell-i axxi ad d sukkeγ fella-sen awal.
Beẓẓa: Anida ara ten-naf?
Ilaq: Γer wissen dinna kan i ttqessiren
Beẓẓa: Atan diɣ… !
Buḥu: Ah…! D acu i k yuɣen?
Beẓẓa: Nugad ad aɣ-d yentteḍ wissen
Buḥu: Ula d kečč, awid ur d-iqqar ara wissen, netta dayagi i yessen.
Ilaq: D nekk ara yerzun, ma inṭeq-d wissen zmereɣ-as, ɣas ma yessen
Beẓẓa: d acu i tennam ad nruḥ srid (qbala)ɣer wamek ad t-id nwali fiḥel wissen, fiḥel lamer d lebɣi fiḥel… Mačči wa ad aɣ yettazen ɣar wa akud i teddu isali (lexbar) ad d yeffeɣ ad d yaɣ ixxamen, s kud awal ad i teffeɣ ad neɣli deg ulamek.
Buḥu: Waqila treggiḍ kan yak d wi iy musnawen, gar-asen ur ttemsefhamen, mgarraden deg yismawen ɣas ma nutni d yiwen,yerna inigi-nnsen d wissen.win ɣar awḍen ad mṣawaben ur d asen yessefraz ula yiwen.
Beẓẓa: Ala aya ur n ḍerru, ur twalaḍ ara!Limer ad d fɣen, yal azniq ad t-id-aɣen agugam ad t id sneṭṭqen,win yeṭṭsen ad t-id hegglen ad yuɣal wamek ad yefti wa d iffukti.
Buḥu: Dayen inebɣa.
Beẓẓa: Daya i tebɣiḍ! Attan a baba tyita, nekk xersum ifassen-iw ɣaf uqerruy-iw
Buḥu: Waqila tettud amek ara d yerwen ulamek ad yuɣal d ulamek.
Beẓẓa: Ad asen-anef akka? Ur d nettaf amek? ad teqqim tebrek. tin yernan ɣur-s ilaq ahat yewweḍ ɣur-sen, tura ahat ruḥen-d.
Akli Outamazirt