D iseggasen aya tura
Mačči yella wi s-yeslan
Mačči yella wi s-yeslan
Afrux yugi ad iɣenni
Yuẓam aseffer d luɣna
(Se)g asmi t-ḥuzan iguḍman
(Se)g asmi t-ḥuzan iguḍman
Si zdaxel i d-yeṭṭili
Yibbas ass-n am wass-a
Yusa-d yiwen d ameẓyan
Yusa-d yiwen d ameẓyan
Netta yella d imenfi
Ata yebda-d isefra
Isefra-nni dayen kan
Isefra-nni dayen kan
Ay ansi i ten-id-yewwi
Isni-ten-id wa deffir wa
Ɣas ad tiliḍ d aquran
Ɣas ad tiliḍ d aquran
A ten-truḍ ur d ak-yehwi
Ur nettaki mi nesla
I useffer nebɣira lawan
I useffer nebɣir lawan
Yusa-d ur iban ansi
Deg wawal-is i d-yerna
D afrux-nni i d-yecnan
D afrux-nni i d-yecnan
Ula d netta yergagi
Imekti-d asmi yella
Usawen-inna deg igenwan
Usawen-inna deg igenwan
Daya kan i d-ittmeni
Ɣas ur tt-llin isefra
Am wass-a ad d-yezi lawan
Am wass-a ad d-yezi lawan
Tabburt n lḥebs ad tt-nelli