Azal n 10 n tuddaṛ di tɣiwant n Bujellil ( 87 km ɣef Bgayet) uṛ s3int aṛa allalen n usikel (moyesn de transport). Imezdaɣen n tuddaṛ agi nḥafen aṭaṣ ɣef ayagi. “Kkat-entt” d-aḍaṛ seg tuddaṛ nsen alaṛmi d webrid n lwilaya wis 42 neɣ abrid aɣelnaw wis 106, iwakken ad afen tikkeṛusin ar aten issawḍen aṛ Bujlil neɣ aṛ aṛ tamawin niḍen (Iɣil 3li, Ginduz,…). Nezmeṛ ad nebdeṛ tuddaṛ agi: Talefsa,Tansawt,S3ida,Ḥlassa,Tawrirt,Tigṛin,At Wihdan,…d watas n tiyaḍ. Wid is3an tikkeṛusin cwi kan zemṛen ad qablen agnu agi, ma d wid ur nes3aṛa nḥafen msakit ṭul gwass tul useggas ! Ilaq ad dun f-uḍaṛ kra n ikilumiṭṛen iwaken ad aṛzun ɣef iberdan iččuṛen d ṭumubil itt3edayen m yal dqiqa. Liḥala agi t tta3aṛ as m ara is3u umezdaɣ amuḍin ilaq at issiweḍ s l3ejla aṛ sbiṭaṛ. Ittili d wanect-a deg yiḍ. D-ayen yu3ṛen aṭaṣ ɣef twaculin ur nes3aṛa tumubil. D-ayeni i t nittajan keṛṛun tikkeṛṛusin seg tuddaṛ nsen alaṛmi d sbiṭaṛ n weqbu s suma ittawḍen aṛ 2000 idinaṛen ! Lekwaɣeḍ d aɣbel d aɣen ɣef imezdaɣen n tuddaṛ agi. Iwakken ad ixdem yiwen degsen lkaɣeḍ n la3qed la3meṛ neɣ ayen niḍen ilaq ad iṣub alaṛmi d taɣiwant n bujlil ɣef ayagi ! Mači d ayagi kan ig ceɣben ig meḥnen imezdaɣen n tamiwin agi ittwattun, ula d lqḍyan (emplettes) s lḥif, d tidi akk d tikli…tu3eṛ tudeṛt n yimezdaɣen agi, acku kulec ittased s lmaḥna d ubekkeṛ. Inelmaden, si tama nsen, ḥulfan i lmizirya agi, imi aṭaṣ degsen ur tkemilen aṛa leqṛaya nsen fidra n wegnu n usikel d tedrimt i xuṣen aṭaṣ. Di tagaṛa, imezdaɣen n tuddaṛ agi uklalen tamuɣli n imeḍebṛen ɣef liḥala ittidiṛen, iwakken ad asen sneqsen la3tab d lmaḥna agi iten ixenqen !
Syphax.Y