Accueil Tamazight Kateb Yacine deg Uqbu

Kateb Yacine deg Uqbu

3135
- PUBLICITÉ -

Timlilit tis 7 n tmedyazt tamaziγt n sumam ass 28 deg wagur a i terra tiwurra d tagara n temlilit seg yimi i tebda ass n 25 dujember 2013 ahil i d thegga tiddukkla d amerkanti, deg-s sin wudmawen udem n tejmilt d wudem n temzizzelt n tmedyazt, deg udem n tejmilt iεeggalen n tiddukkla sseγzen d akken ad d ilin widen yeddrenn yellan γar yid-is n umedyaz nneγ ameqran d uneγmas n yall tamsalt zeddigen deg ubraḥ n unaḍeḥ γef udem n lezzayer uzekka deg yimi id snubga Dalila BOUAHI akk Zohra DJAJOULI, d Mehfoud Lekroun Yacine Damardji akk Karim Hadar aya akk ad d yuγal tejmilt n tisin n yiεeggalen a γar yiwen seg iεeggalen yellan d yid-sen wa d mass Bezza Ben Chikh yellan ula d netta d aεeggal n terbaεt n debza

- PUBLICITÉ -

Ass- amenzu tettunefk tfelwit n yisseγ i twacult n kateb yacine , d akken imeddukal n kateb yesin ccnan-d, nna-d isefra n kateb yacine d kra n ijufar seg tbernus n tceqquft « Ddem Tabalizt-ik A Muh »Tameddit n wass tella-d temlilit n yimedyazen akk ttseqqamut n weffran γef i yella di lmendad Mass Zidane Yassine akk Taleb Smail, Adjal Mohamed s yismawen-nnsen d iseddawiyen yeddan deg ubrid n tussna di tsekla tamaziγt.Ass wis sin tebda tesgilt tamenzut n temzizzelt s yin tameddit yella-d yiwen usarag s γur Zohra Djazouli i d yewwin γef waktayen n Kateb Yacine s yin tarbaεt n umezgun n tiddukkla tudert n taddart n fethun uraren-d taceqquft i d yettwaddmen deg leqidact n Kateb Yecine d agazu id yesnin udmawen yemgarraden deg tceqqufin yura wemyaru ameqran a baba-t n nedjma « taceqquft d iceqfan » taceqquft yesnubgan imeshaniyen ddan d wayen ttwalin alammi i d ttrun ur uhtamen, d akken i ten-id yuγal ccfayat n yezri deg umezruy yemen s yidammen d wakal amezruy n tidett yettwasdergen i tsutiwin s γur widen yessexraben lǧerrat, taceqquft i d s netqen massa Laila Mekki akk d Mass Damardj γas akken d imγaren 85 n yiseggasen nnan-d ass-a terramaγ-d temzi-nne&gamma,; nuγal-d d ilemziyen.

deg yid yella-d usakwen n tsuqilt γef uqerruey-is mas Hacene Halouan tebda leqdic i tekkfa ass aneggaru n temlilit s tririt n usefru n Kateb Yacine γar teqbaylit. Ass wis krad yella-d usarag s γur massa rachid oulebsir id yewwin γef watrar d weqbur deg leqdic n kateb yassine d akken yesγez s telqi γef wamek ara nessehbiber γaf tutlayt nnegh d wansayen nneγ akken i d wwin abrid imezwura yellan am Dda Lmulud at Mεammar akk d dda Lmulud at Caεaban, Muhamed Dib Kateb Yacine d yemyura nniden.

Ass aneggaru yella-d usarag n Mass Zidan Yassine id yewwin γef « udem atrar di tmedyazt taqbaylit amedya Muhamed Σallawa » d akken id tella temlilit n tseqamut n wefran d yimedyazen anida i yemmeslayen γef timawin d wayen i d yettwuran ama deg sental naγ deg talγiwin…taseqqamut n tefrant tga ixeddim yuklalen leqder d tawwurt γar webrid n tusna d akken i yella d lebγi d iswi n tiddukkla. tagara n temlilit yettunefk warraz amenzu i mass Ahmed Xetabi, Arraz wis sin yuγal i mass Agceryu Murad, arraz wis krad i mass Farez Σabedarzaq, arraz wis ukuz i mass Caybi Faysel ma yella d tafelwit n usebγes tuγal i mass Ferkan Karim tin n yiseγ i temsiwt Buciba Fahima tafelwit n tmezgit tewwi-tt Seddiri Nura tafelwit n tsuqilt tuγal i mass Gemmar Mbarek.  Tiddukla itri adelsan tmudd arrazen n tesgilin yezrin tacemlit tis 3 d t 4 s tilin n mass Ǧwahir Muhand Akli, Farez Σabdarzaq, akk Ǧudi Fahem yall yiwen yewwi azal-is. di tagara tiddukla tessaram i kra n win i d yerran i teγri-s annuz d wazal ameqran akken kan ad tili tallelt i usebded n wejgu n tsekla tamaziγt n d usenerni n tutlayt nneγ d ayemmi i tt teddem d akken aseggass-a ad tuγal temlilit ad tessufuγ sin wammuden n yisefra timliliyin yezrin d tiffririn-d 3 n yimedyazen seg ubrid a ad tuγal γar 4 n yimedyazen s sin wammuden n yiseffra yenna Dda Lmulud « win yebγan tamaziγt ad yissin tira-as » yenna umedyaz nneγ Lunis , « γas beadent wallen-ik , muqel anida yedda udar-ik »

A.Outamazirt

- PUBLICITÉ -