Accueil Tamazight Bgayet : Ansi i s- d-tekkiḍ yergel ubrid

Bgayet : Ansi i s- d-tekkiḍ yergel ubrid

1524

Ddurt-a i iɛeddan imezdaɣ n lwilaya n Bgayet sbeynen-d rfu-nsen s uɣlaq n waṭas n yiberdan am ireyyaḥen, iburasen akked awqas,  acku ttidiren lexsas n waṭas n wallalen n tudert, ɛlaḥsab imezdaɣ-a wekkden-aɣ-d dakken imḍebbren n lwilaya ur xdimen acemma i waken ad d-afen tifrat i wuguren-a i ttidiren deg tudert-nsen n yal ass, ɣef wannect-a i walan belli aɣlaq n ubrid d tarrayt taneggarut s wayes-s ara d-awin isenfaren i ten-ixussen, rnu ɣer-s nnan-d daɣen dakken imḍebbren waɛden-ten-id acḥal n tikal s ferru n wuguren-a i ttidiren maca deg tilawt acemma ur t-id-xdimen. Maca aɣlaq n yiberdan yegla-d s lexsara meqqren ɣef yimsebriden ladɣa inelmaden n tesdawit n ubudaw i yerwan lḥif deg tallit ideg sɛeddayen ikayaden, d annect-a i d aɣ-d-wekkden inelmaden-a (Z.N)akked (Z.L) d akken aɣlaq n ubrid ɣer tesdawit iḍurr-iten s waṭas  imi aṭas n ikayaden ur sɛeddan ara.                                                                                                                                        

Bousbaine.S.