« Llah ! llah! a lbudala. Llah ! llah ! ssiyaḥa, ayen aṛṣul, mi d-dekṛeɣ ad ifṛaḥ wul! ». Akka i icna unaẓur Brahim Izri deg yiwet n tezlatin-is, anda i d-ibdeṛ lbudala akk d laxwan.Yuɣ lḥal, Brahim Izri tezzuzen-it Zawiya n jeddi-s Belkacem Izri, anda i d-ilmed aẓawan. Wagi newit-id kan d-amedya ɣef lbudala akk d siyaḥa, imi aṛ talit-agi nneɣ, mazal kṛa n lbudala akk d laxwan iṭfen s la3wayed-agi. Deg tama n Ṣummam, n wala kṛa n lbudala inaẓuṛen , uṛ neǧǧi amkan. Yal ass s-anda ittṛuḥun, « zuzzuṛen » aẓawan nsen deg yal tama. Wigi « d-ideṛwicen » n cna. As tini-ḍ lulen-d ḥaca i wannect-a! S timad nneɣ nwala kan sin n-inaẓuṛen i lemden aẓawan iman nsen mebla aɣeṛbaz. Amezwaṛu degsen, ikkat abendiṛ, deg leswaq, neɣ anda yedda. Wis sin ikkat tajuwaqt ( la flûte). Sin inaẓuṛen-agi, ttuṛaṛen geṛ lɣaci, wigi ttaken-asen d kṛa n tedṛimt. Yuɣ lḥal, aṭaṣ ig wahmen degsen, imi ttuṛaṛen akken ilaq. Wagi ikkaten abendiṛ as tini-ḍ d « ttamacint » n cna. Nwala-t aṭaṣ n tikkal deg ssuq n weqbu, ikkat abendiṛ am laxwan. Uṛ iḥebes aṛa deg cna ! D-acu yes3a taɣuct tameggazt, yeṛna tejhed. Am dkiṛ ijebbed-d s dekkiṛ d cna medden aṛ ɣuṛeṣ, acku i cennu cna azedgan. Anaẓuṛ wis sin, d yiwen wemɣaṛ ikkaten tajuwaqt (la flûte). Tuṛaṛt-is tgeṛṛez dayen kan! Ittawid akk tizlatin, ama d Ayt Mengellat, Maṭub, akk d wiyaḍ. Inas kan ag d iwwet tizlitt i tebɣiḍ attidyawi ! Ne3ṛeḍ iwakken an meslay d wemɣaṛ-agi, maca uṛ yelli aṛa deg wallaɣ-is. Lehḍuṛ-is uṛ fṛiẓen aṛa. Ah d-aɣbel! Amɣaṛ-agi ittecmumuḥ kan, as tini-ḍ d llufan. Ittebdad f-uqeṛṛuy-is, asem aṛa ikfu tuṛaṛt s-ujewaq-is ! Akka tuṛa, uṛ neẓṛi anda yettili. D-abudali, i3ac ɣeṛ medden, yečča yeswa ɣuṛsen. Sin inaẓuṛen-agi, d wid isekcamen lfeṛḥ aṛ wulawen n medden mebla ma ceṛḍen kṛa. Ɣas akken d-igellilen yeḥwaǧen tadṛimt iwakken ad idiṛen. Mači d wigi i d-inaẓuṛen n tidett?
Syphax Y.