Accueil Tamazight Tubiret : Rfan Iselmaden n tmaziɣt ɣef unemhal n usegmi d leqraya

Tubiret : Rfan Iselmaden n tmaziɣt ɣef unemhal n usegmi d leqraya

1861
- PUBLICITÉ -

Iselmaden n tmaziɣt deg lwilaya n tubiret, yeṭṭef-iten lḥir ɣef liḥala i yettidir uselmed n tmaziɣt deg temnaḍt Tubiret, acku aselmed n tutlayat-a yettuɣal ɣer deffir seg tallit ɣer tayeḍ, ladɣa ma nemmuqel ɣer lwilayat-nniḍen am Tizi-wezzu, Bgayet akked Batna ideg aselmed n tmaziɣt yettnerni seg useggas ɣer wayeḍ acku yal aseggas tneɣlaft n usegmi d leqraya tettak-asen-d aṭas n yimukan n lxedma i yselmaden n tutlayt -a ,mačči am tnemhalt n usegmi d leqraya n tubiret i d-ibegsen i tmaziɣt i wakken ad tt- temḥu seg yiɣerbazen acku tettaɛraḍ yal tikelt amek ara d-taf ssebba i wakken ad tt-berri ɣef yiman-is ɣef liḥala iɣer tewweḍ tmaziɣt deg Tubiret imi tettwali d akken d imawlan n warrac i yegguman ad ɣren warraw-nsen tutlayt-a. maca iselmaden n tmaziɣt skaddben annect-a imi aṭas n yimawlan n yinelmaden i d asen-di-wekkden d akken bɣan ad ɣren warraw-nsen tamaziɣt. Rnu ɣer waya, ayen i d-yessebganen annect-a ɛlaḥsab iselmaden-a, d timzizelt n yiselmaden ara d-yilin deg wussan-a i d-iteddun anda tamaziɣt ala yiwen umkan i tt-id-isaḥen deg lawan ideg aṭas n yiɣerbazen ur sɛin ara tamaziɣt am : uɣerbaz amezwaru n Buṭawes deg Ras Bwira akked tsennawit n Teɣzut… S wakka, iselmaden-a n tmaziɣt akked wid teɛna tutlayt-a swejden-d aneqqis(rapport) i tneɣlaft n usegmi ideg d-sbegnen lɣiḍ meqqren ɣef liḥala i tettidir tutlayt n tmaziɣt deg lwilaya n tubiret, yerna ssutren seg tneɣlaft iwakken asen-d-ldi aṭas n yimukan n lxedma s lemɣawla.

- PUBLICITÉ -

Bousbaine.S

- PUBLICITÉ -