Accueil Tamazight Tajmilt i umeγnas n tmaziγt d tugdut

Iεekkuren : Tajmilt i umeγnas n tmaziγt d tugdut

1611
- PUBLICITÉ -

Tiddukla tadelsant Aẓru n sbaḥ n tadert Aẓru taγiwant n Yiεekkuren, sudsen-d tagara n ddurt-agi yezrin, ass n 15 γuct 2014 yiwet n tejmilt meqren i umeγnas n tmaziγt d tugtut, i yellan s deffir n tedyanin usarusu n lbumbat deg seggas 1976, γer yidis n yimaγnasen niḍen am Muḥend Uharun, Smaεil Meğbar, Ḥusin Ceradi d wiyaḍ niḍen. Lwenas Qassi, d mmi-s n taddert Azru n ssbaḥ, id-yezgan deg temnaḍt n Yiεekkuren. D yiwet n taddert i yedren tignatin yuεren aṭas di tallit-ni n tegrewla. Lwenas Qassi ḥekmen fell-as 20 n yiseggasen n lḥebs, maca mbaεd lḥars id-yellan tallit-ni sγur tiddukliwin tigreγlanin mgal adabu n Lzzayer amesbaṭli, sarḥen-as-d am netta am yemddukal-is, sεeddan 11 n yiseggasen. Γef talluft-agi n usarussu n lbumbat deg seggas 1976, yenna Lwenas Qassi d akken d laḥkkem amesbaṭli n tallit-ni iγ-ideggren akken anexdem tixazabiyin-agi, imi γunzan tamaziγt, uggin ad-rren i teγri-nna&gamma,; zzin-d s waεrur, tmaggaren-aγ-d s uεekkaz, γetsen akken aγ-s-neggren. Maca nekkni numen s wayen nxedem, neẓra abrid id-newwi zeddig, yessufuγ. Γef aya i nebgges akken ad-nbeggen i yemḍebren-nni, dakken nezmer i yal taluft s tebγest nesεa. Tasγunt « ADEF » s tutlayt n tmaziγt d tin id-yeffkan afud meqren i umennuγ γef tutlayt n tmaziγt. Ass-mi teḥres tegnit, εezmen ad-xedmen srid tixazabiyin, anda Lwenas qassi akked Ceradi Ḥusin, sarsen lbumba deg wexxam n waγmis Lmujahed, Muḥend Uharun deg wexxam n taγdemt n Qsenṭina, Smaεil Meğbar yettwaṭef uqbel aṭarḍeq n lbumba di Wehran. Dγa aṭas n laεtab i sεeddan ineγmasen-agi n tmaziγt d tugdut, am nutni am twaculin-nsen, dγa uklalen tijmilin aṭas. Tajmilt i yuγalen i mass Lwenas Qassi, ḥedren deqs imaγnasen n tmaziγt, iseggasen n 70 d 80, icennayen meqren n teqbaylit.

- PUBLICITÉ -

I. B

- PUBLICITÉ -