Accueil Tamazight At Manṣur : Ulac asečču deg uɣerbaz amenzu "Inzel Ali" !

At Manṣur : Ulac asečču deg uɣerbaz amenzu "Inzel Ali" !

1759
- PUBLICITÉ -

Asečču deg yiɣerbazen (la cantine scolaire) yegra-d dima d-agnu muqren ɣef yinelmaden lakked d yimawlan nsen. Acḥal n yiɣerbazen-agi ur nesɛi ara asečču deg lwilaya n Tubirett? Ayen din. Deg tɣiwant n At Manṣur, ixuṣen deg myal taɣawsa, yella yiwen n uɣerbaz iwumi ssawalen « Inzel Ali », i d yezga-n deg taddart n Tawrirt, yellan d-aqerru n tɣiwant. Aɣerbaz-agi ur yesɛi ara asečču. Yuɣ lḥal d-amaynut, yettubna semmus iseggasen aya kan, maca ur sexdimen ara asečču ! Inelmaden, yiwḍen azal n 200, ur tetten ara, akka dinna. Anect-a yeǧǧa-ten ttruḥun ar yixxamen nsen i wakken  ad ččen imekli ! « Myal ass, nek ttruḥu-ɣ ar wexxam nneɣ akken ad ččeɣ imekli. Aḥun a rebbi, ur yebɛid ara aṭaṣ ɣef uɣerbaz nneɣ! » akka iɣ-d yenna yiwen n unelmad yeqqaren deg lakul-agi. Maca, zher sɛan inelmaden iqerben ɣer uɣerbaz nsen, ur tesɛin ara widak i beɛden. Aṭaṣ n yinelmaden zedɣen s kra n ikilumiṭren ɣef yixxamen nsen, ayagi yeǧǧa-ten ur ttizmiren ara ad ruḥen ar yixxamen nsen akken ad ččen, wa d t-uɣalen ar uɣerbaz nsen. D-ayagi i ten yerra-n ttawin d imekli seg yixxamen nsen! ur tufiḍ d-acu-t! Kra aken n weɣrum d ufermaǧ, neɣ « lkacir »! Ah lḥif n tuččit nsen. Agnu-agi, yettaɛar-asen, yagi, deg tagrest, as mi ara ttiṣmiḍen wussan. Arrac-agi tetten lqut aṣemmaḍ, neɣ ahat ur tetten ara maḍi ! D-acu kan, ɛla ḥsab ayen nesla, tanemahla n ttarbiya n Tubirett, waqil tessufeɣ d yiwen n usenfar, akken « attebnu asečču » deg uɣerbaz-agi. Ma yeḍra-d usenfar-agi, dayen ar ad yesfarḥen aṭaṣ inelmaden n uɣerbaz-agi lakked d yimawlan nsen. D-acu kan, nessaram d-aken, tanemahla attecked (accélère) asenfar-agi, (wagi ma yella ad yeffeɣ d ttidett) i lfayda n yinelmaden-agi yenḥafen aṭaṣ, imi ulac asečču deg uɣerbaz nsen. Tiɣri, ihi, attan nessiweḍ-itt i yimḍebren n ttarbiya taɣelnawt !

- PUBLICITÉ -

Syphax.Y

- PUBLICITÉ -